Сенатары пагадзiлiся з тэрмiнамi адпрацоўкi выпускнiкоў

Источник материала:

Сенатары, у прыватнасцi, разгледзелi законапраект «Аб унясеннi змяненняў i дапаўненняў у некаторыя законы Рэспублiкi Беларусь па пытаннях адукацыi». Гэты праект закона рэгулюе пытаннi размеркавання выпускнiкоў вышэйшых, сярэднiх спецыяльных i прафесiйна-тэхнiчных навучальных устаноў, якiя атрымалi адукацыю на дзённай форме навучання за кошт бюджэтных сродкаў. Так, выпускнiкi прафесiйна-тэхнiчных навучальных устаноў павiнны будуць адпрацаваць па размеркаванню адзiн год, а выпускнiкi сярэднiх спецыяльных i вышэйшых навучальных устаноў — два гады. У тым жа выпадку, калi выпускнiк адмовiцца адпрацаваць па размеркаванню, ён павiнен будзе вярнуць сродкi, якiя былi затрачаны на яго падрыхтоўку. Таксама законапраект устанаўлiвае, што залiчэнне грамадзян у навучальныя ўстановы будзе здзяйсняцца на падставе дагавора аб падрыхтоўцы спецыялiста. Члены Савета Рэспублiкi таксама разгледзелi законапраект «Аб унясеннi змяненняў i дапаўненняў у закон Рэспублiкi Беларусь «Аб занятасцi насельнiцтва Рэспублiкi Беларусь». Праект вызначае парадак i ўмовы рэгiстрацыi грамадзян у якасцi беспрацоўных, права грамадзян i гарантыi дзяржавы ў галiне занятасцi насельнiцтва, а таксама дадатковыя гарантыi для асобных катэгорый грамадзян, у тым лiку i тых, якiя маюць патрэбу ў сацыяльнай дапамозе, а таму няздольныя на роўных канкурыраваць на рынку працы. Да такой катэгорыi грамадзян, у прыватнасцi, аднесены дзецi-сiроты i дзецi, што засталiся без догляду бацькоў. Яшчэ адно новаўвядзенне: тэрмiн знаходжання ў органах дзяржаўнай занятасцi ў якасцi беспрацоўнага абмежаваны 3 гадамi.