Прэзiдэнт Беларусi падтрымлiвае пазiцыю Беларускай калiйнай кампанii

Источник материала:

«Паспяховае вырашэнне ўзнiкшай замiнкi, а iншай альтэрнатывы няма, будзе садзейнiчаць стабiлiзацыi сiтуацыi на сусветным рынку калiйных угнаенняў. Усе сусветныя пастаўшчыкi калiйных угнаенняў ужо больш як паўгода дэманструюць абсалютную салiдарнасць i прызналi, што БКК адбылася як салiдная знешнегандлёвая фiрма. Гэты факт прызналi ў сваёй масе i сусветныя спажыўцы калiйных угнаенняў, заключыўшы прамыя, без пасрэднiкаў, кантракты з Беларускай калiйнай кампанiяй», — сказаў Уладзiмiр Сямашка. Першы вiцэ-прэм’ер адзначыў: «Прадаўшы ў 2005 годзе практычна аналагiчны 2004 году аб’ём калiйных угнаенняў — 7 млн тон, мы атрымалi выручку не $751 млн, а $1 млрд 14 млн. I БКК, i рэспублiка ў цэлым мелi вялiкi станоўчы фiнансавы вынiк». Уладзiмiр Сямашка дадаў, што даручэнне прэзiдэнта адысцi ад пасрэднiкаў i павысiць эфектыўнасць продажаў калiйных угнаенняў поўнасцю выконваецца. «Наконт таго, што пакупнiкi могуць адмовiцца ад паставак БКК i знайсцi новага прадаўца, я адкажу катэгарычна адмоўна. У свеце сёння натуральным чынам склаўся пэўны парытэт памiж аб’ёмамi вытворчасцi i аб’ёмамi спажывання калiйных угнаенняў на ўзроўнi 50 млн.т у год. У гэтай сiтуацыi адмовiцца ад паслуг Беларускай калiйнай кампанii, якая валодае 39 працэнтамi сусветных экспартных паставак калiйных угнаенняў, i знайсцi ёй замену нават тэарэтычна немагчыма», — паведамiў Уладзiмiр Сямашка. Першы вiцэ-прэм’ер падкрэслiў, што ў выпадку далучэння «Сiльвiнiту» да альянса «Беларуськалiю» i «Уралкалiю» агульны аб’ём паставак Беларускай калiйнай кампанii перасягне 50 працэнтаў сусветных аб’ёмаў.

Паводле паведамленяў прэс-службы Прэзідэнта Рэспублікі Беларусь і БЕЛТА.