Калi калектыўным дагаворам не прадугледжана iншае...
Вiктар САВIЦКI
КВАТЭРНАЕ ПЫТАННЕ Мы жывём у драўляным 11-кватэрным доме з пячным ацяпленнем i «выгодамi» на вулiцы. Пабудаваны ён гадоў 80 таму. Кватэра, у якой жыву я, жонка i сын (21 год), — гэта пакой 16 кв. метраў i кухня з прыхожай. На працягу вось ужо 20 гадоў мы стаiм у чарзе на жыллё. Зараз — шостыя. Напiшыце, цi маем мы (я — iнвалiд III групы) нейкiя льготы на атрыманне кватэры з тых, што вызваляюцца, або на крэдыт для яе набыцця цi будаўнiцтва?Ю. Абраменка, Вiцебскi раён. Па дзеючаму заканадаўству незаселеныя, вызваленыя i новапабудаваныя жылыя памяшканнi прадастаўляюцца грамадзянам ва ўстаноўленым парадку з захаваннем чарговасцi. Жыллёвы кодэкс Рэспублiкi Беларусь не змяшчае нормаў аб першачарговым прадастаўленнi жылля, але арт. 84 вызначаны катэгорыi грамадзян, якiм жылыя памяшканнi сацыяльнага карыстання прадастаўляюцца па-за чаргой. Гэта: грамадзяне, жылыя памяшканнi якiх у вынiку стыхiйнага бедства, тэхнагенных i сацыяльных катастроф сталi непрыгоднымi для пражывання; дзецi-сiроты i дзецi, якiя засталiся без апекi бацькоў i знаходзiлiся ў дзiцячых установах, у сваякоў, пад апекай (папячыцельствам), пасля заканчэння знаходжання ў дзiцячых установах, у сваякоў, апекуноў (папячыцеляў) або з iх згоды пасля вучобы ў вышэйшай, сярэдняй спецыяльнай, прафесiйна-тэхнiчнай навучальнай установе, пасля заканчэння тэрмiну службы ва Узброеных Сiлах Рэспублiкi Беларусь, калi за iмi не захавалася жылое памяшканне або калi яны не могуць быць па iншых прычынах заселены ў жылое памяшканне, з якога выбылi; хворыя на актыўную форму туберкулёзу; у iншых выпадках, прадугледжаных арт. 12—18, 23, 25 Закона «Аб ветэранах», Законам «Аб сацыяльнай абароне iнвалiдаў у Рэспублiцы Беларусь» арт. 41 прадугледжана пазачарговае прадастаўленне жылых памяшканняў сацыяльнага карыстання маламаёмным iнвалiдам I i II групы, якiя знаходзяцца на ўлiку як маючыя патрэбу ў паляпшэннi жыллёвых умоў. Згодна з арт. 13 ЖК права на атрыманне льготных крэдытаў, субсiдый i iншых формаў дзяржаўнай падтрымкi для будаўнiцтва (рэканструкцыi) або набыцця жылога памяшкання маюць маламаёмныя працаздольныя грамадзяне Рэспублiкi Беларусь, якiя знаходзяцца на ўлiку як маючыя патрэбу ў паляпшэннi жыллёвых умоў, а таксама грамадзяне, на якiх распаўсюджваецца дзеянне арт. 84 ЖК. Дзяржаўная падтрымка на будаўнiцтва (рэканструкцыю) або набыццё жылля аказваецца па рашэнню мясцовых выканаўчых i распарадчых органаў (па месцы знаходжання грамадзян на кватэрным улiку) у парадку чарговасцi, зыходзячы з часу пастаноўкi на ўлiк. Iльготныя крэдыты на будаўнiцтва (рэканструкцыю) або набыццё жылых памяшканняў прадастаўляюцца па спiсах, якiя складаюцца з захаваннем чарговасцi i зацвярджаюцца аблвыканкамамi. Па-за чаргой ва ўказаныя спiсы могуць быць уключаны (апроч ужо названых катэгорый): грамадзяне, якiя выконвалi воiнскi або службовы абавязак у Афганiстане цi ў iншых краiнах, дзе вялiся баявыя дзеяннi (воiны-iнтэрнацыяналiсты); ваеннаслужачыя, звольненыя ў запас (адстаўку) да 2 снежня 1992 г., акрамя ваеннаслужачых тэрмiновай службы i курсантаў ваенна-навучальных устаноў; члены сем’яў загiнуўшых або прапаўшых без вестак ваеннаслужачых, партызан i падпольшчыкаў, якiя загiнулi (памерлi) па прычыне ранення, кантузii, калецтва, захворванняў, атрыманых падчас баявых дзеянняў у гады Вялiкай Айчыннай вайны, а таксама ваеннаслужачых, асоб начальнiцкага i радавога саставу органаў унутраных спраў, якiя загiнулi (памерлi) падчас выканання воiнскага або службовага абавязку ў Афганiстане або ў iншых краiнах, дзе вялiся баявыя дзеяннi (а таксама прапаўшых без вестак у раёнах вядзення баявых дзеянняў), або пры выкананнi воiнскiх (службовых) абавязкаў; спецыялiсты, якiя накiраваны дзяржаўнымi органамi на работу ў сельскую мясцовасць; iнвалiды i ўдзельнiкi Вялiкай Айчыннай вайны i прыраўнаваныя да iх ва ўстаноўленым парадку асобы; шматдзетныя сем’i. Разам з тым, кiруючыся арт. 54 ЖК, дзяржаўныя прадпрыемствы, установы, арганiзацыi, якiя маюць жыллёвы фонд i ажыццяўляюць жыллёвае будаўнiцтва, могуць прадастаўляць сваiм работнiкам, якiя маюць патрэбу ў паляпшэннi жыллёвых умоў, жылыя памяшканнi ў адпаведнасцi з Жыллёвым кодэксам i калектыўнымi дагаворамi. Такiм чынам, па месцы работы для асобных катэгорый работнiкаў могуць быць прадугледжаны льготы (у тым лiку i права першачарговасцi або пазачарговасцi) пры прадастаўленнi жылых памяшканняў цi аказаннi фiнансавай або iншай формы дапамогi пры будаўнiцтве (рэканструкцыi) або набыццi жылых памяшканняў, калi гэта будзе адлюстравана ў калектыўным дагаворы.
Чтобы разместить новость на сайте или в блоге скопируйте код:
На вашем ресурсе это будет выглядеть так
Мы жывём у драўляным 11-кватэрным доме з пячным ацяпленнем i «выгодамi» на вулiцы. Пабудаваны ён гадоў 80 таму
|
|