Добраахвотнасць — галоўны прынцып удзелу ў выпускным тэлепраекце

Источник материала:

Пытанне, якое задавалi нашы чытачы, датычылася правядзення агульнагарадскога выпускнога балю ў сталiчным Палацы спорту 13 чэрвеня. Галiна Балашова патлумачыла, што падобнае мерапрыемства праводзiцца ў горадзе ўпершыню — гэта тэлевiзiйны праект, эксклюзiўны канцэрт, якi будзе пазней транслiравацца па аднаму з беларускiх тэлеканалаў. Бiлеты, якiя распаўсюджваюцца сярод выпускнiкоў, не запрашальныя, а канцэртныя. Цэны на iх вар’iруюцца ад 15 да 35 тысяч рублёў (гэта iнфармацыя можа быць не зусiм дакладнай — Н.Н.) i частка бiлетаў была перададзена ў свабодны продаж.

— Магчыма, з педагагiчнага пункту погляду было б больш правiльна зрабiць уваход на канцэрт бясплатным i раздаваць запрашальныя бiлеты ў якасцi заахвочвальнай меры найбольш дастойным выпускнiкам, якiя маюць дасягненнi ў вучэбнай, спартыўнай цi грамадскай дзейнасцi, але ў дадзеным выпадку гэта мерапрыемства — камерцыйнае, — падкрэслiла Галiна Балашова, — хоць яно i разлiчана на аўдыторыю выпускнiкоў. Мы аказваем яму, так бы мовiць, iнфармацыйную падтрымку ў школах. Я спецыяльна звязалася з кiраўнiкамi навучальных устаноў, каб высветлiць, як распаўсюджваюцца бiлеты i цi не аказваецца на вучняў цiск. Мне паведамiлi, што асобныя школы падключылi свае шэфскiя арганiзацыi, каб тыя аплацiлi для выпускнiкоў наведванне канцэрта. Магу толькi вiтаць такое супрацоўнiцтва.

А вось з папрокамi наконт даты правядзення агульнагарадскога выпускнога балю не магу пагадзiцца: справа ў тым, што гэта мерапрыемства разлiчана не толькi на адзiнаццацiкласнiкаў, але i на выпускнiкоў базавай школы (а iх у горадзе 23 тысячы чалавек), а таксама на выпускнiкоў прафесiйна-тэхнiчных навучальных устаноў. У рэшце рэшт, кожны вырашае сам, цi можа ён адарвацца ад працэсу падрыхтоўкi да тэсцiравання. Тым больш што 14 чэрвеня правядзенне цэнтралiзаванага тэсцiравання не запланаванае...