Главная
Гороскопы
Уладзiмiр НАЙДУНОЎ: «Гадавая праграма развiцця эканомiкi сёлета будзе выканана»
Сяргей КУРКАЧ
Аб гэтым журналiстам паведамiў першы намеснiк мiнiстра эканомiкi Беларусi Уладзiмiр Найдуноў. На яго думку, паспяховыя вынiкi эканомiкi за 5 месяцаў 2006 года даволi выразныя, калi з 16 галоўных прагнозных паказчыкаў было выканана i перавыканана 14 пазiцый. На жаль, не быў выкананы даволi важкi паказчык па запланаванаму знiжэнню энергаёмiстасцi стварэння валавога прадукту. Але тут паўплывалi суб’ектыўныя прыродныя фактары, калi стаялi даволi моцныя студзеньскiя маразы.
Сёння спецыялiсты Мiнiстэрства эканомiкi працягваюць распрацоўку прагнозных паказчыкаў развiцця эканомiкi на 2007 год. Уладзiмiр Найдуноў падкрэслiў, што гэта распрацоўка вядзецца з разлiку таго, што цана на прыродны газ для айчынных спажыўцоў будзе павялiчвацца прапарцыянальна таму, як будзе мяняцца кошт на энерганосьбiты ў Расii. Таксама сёння вядзецца падрыхтоўка i другога варыянта прагнозных паказчыкаў, у выпадку, калi цана на газ стане крыху iншай. Першы намеснiк мiнiстра эканомiкi адзначыў, што пры гiпатэтычна магчымай цане за прыродны газ роўнай 100 долараў за тысячу кубiчных метраў блакiтнага палiва, такое змяненне можа выклiкаць пэўныя зрухi ў iнфляцыi i пры вызначэннi сабекошту айчыннай прадукцыi. «Аднак такi памер цаны за газ не з’яўляецца крытычным для нашай эканомiкi», — запэўнiў Уладзiмiр Найдуноў. У дадзенай сiтуацыi кампрамiсам для абодвух бакоў было б стварэнне сумеснага газатранспартнага прадпрыемства, лiчыць першы намеснiк мiнiстра.
Чтобы разместить новость на сайте или в блоге скопируйте код:
На вашем ресурсе это будет выглядеть так
Аб гэтым журналiстам паведамiў першы намеснiк мiнiстра эканомiкi Беларусi Уладзiмiр Найдуноў. На яго думку, паспяховыя вынiкi эканомiкi за 5 месяцаў 2
|
|