Весткi з мундзiяля

Источник материала:

 Iтальянскi абаронца Алясандра Нэста можа сёння не выйсцi на поле ў матчы супраць Украiны, бо яшчэ не аправiўся ад траўмы паха, што атрымаў у гульнi групавога этапу з чэхамi. Матч з «жоўта-блакiтнымi» прапусцiць i яго калега па амплуа Марка Матэрацы, якi быў выдалены ў паядынку з аўстралiйцамi. Ёсць страты i ў сапернiкаў: з-за траўмы бядра ў чвэрцьфiнале не возьме ўдзел нападаючы Андрэй Варонiн. Нагадаем, што той «зламаўся» ў канцоўцы гульнi са швейцарцамi i быў заменены экс-беларусам Арцёмам Мiлеўскiм.

 Адзiн з аргенцiнскiх балельшчыкаў застаўся без тэлевiзара якраз напярэдаднi матча, дзе яго любiмая каманда сустрэнецца з Германiяй. Тэлевiзар у жыхара Буэнас-Айрэса адабрала... падатковая служба. Справа ў тым, што ён мае запазычанасць па падатках.

 Як бы нi баставалi iспанкi з-за адсутнасцi сваiх мужоў дома ў час футбольных матчаў, некаторыя прадстаўнiцы прыгожага полу з задавальненнем сочаць за гульнёй: у параўнаннi з паказчыкамi першынства-2002 жаночая аўдыторыя павялiчылася на 40 працэнтаў. Агульная ж лiчба ўсiх гледачоў сёлетняга чэмпiянату свету перавысiць 30 мiльярдаў.

Вынiкi матчаў 1/8 фiналу: Бразiлiя — Гана — 3:0 (Раналда, 5, Адрыана, 45+1, Зэ Раберта, 85), Iспанiя — Францыя — 1:3 (Вiлья, 28, пен. — Рыберы, 41, Вiера, 83, Зiдан, 90+2).

Расклад чвэрцьфiнальных сустрэч: сёння — Германiя — Аргенцiна (18.00), Iталiя — Украiна (22.00), 01.07 — Англiя — Партугалiя (18.00), Бразiлiя — Францыя (22.00).

 Двое аргенцiнскiх фанатаў вырашылi зэканоміць на бiлетах i селi ў iнвалiдныя каляскi, але, трапiўшы на стадыён па льготных бiлетах, «пагарэлi» з-за сваёй бурнай рэакцыi на ўзяцце варотаў: яны настолькi моцна «хварэлi», што ўскаквалi на ногi ў час атак аргенцiнскiх футбалiстаў на вароты сапернiка.

 Невядома, што больш падабаецца англiйскiм балельшчыкам: глядзець футбол цi пiць пiва. Напрыклад, у Нюрнбергу 70 тысяч фанатаў ужо «апрыходавалі» 682 тысячы лiтраў. Напой проста не паспяваюць пастаўляць у бары.

Падрыхтавала Iрына ПРЫМАК.