Аляксандр Лукашэнка запатрабаваў узняць барацьбу з карупцыяй на яшчэ больш высокi ўзровень

Источник материала:

Кiраўнiк дзяржавы 10 лiпеня заслухаў даклад Пятра Мiклашэвiча аб вынiках барацьбы з карупцыяй у гэтым годзе.

Разам з iншымi праваахоўнымi органамi пракуратурай ажыццёўлены шэраг скаардынаваных комплексных, арганiзацыйных i практычных мерапрыемстваў, накiраваных на павышэнне эфектыўнасцi барацьбы з праявамi карупцыi.

Значная работа праведзена органамi пракуратуры па расследаванню крымiнальных спраў аб карупцыйных злачынствах, пакрыццю нанесенай матэрыяльнай шкоды. Так, у першым паўгоддзi 2006 года зарэгiстравана каля 2 тыс. злачынстваў карупцыйнай накiраванасцi i выяўлена 857 асоб, якiя iх учынiлi. Сума кампенсаванага ўрону — амаль Br4 млрд.

Прынятыя папераджальна-прафiлактычныя меры далi магчымасць захаваць станоўчую тэндэнцыю скарачэння колькасцi карупцыйных праяў. Зменшылася колькасць выяўленых крадзяжоў, учыненых шяхам злоўжывання службовымi паўнамоцтвамi (на 21,4 працэнта), прысваення або растраты (на 12,8 працэнта), фактаў хабарнiцтва (на 17,5 працэнта).

У маi гэтага года ў Мiнску праведзена пасяджэнне Каардынацыйнага савета генеральных пракурораў дзяржаў — удзельнiц СНД. Дасягнутыя дамоўленасцi ў значнай меры будуць садзейнiчаць павышэнню эфектыўнасцi мiжнароднага ўзаемадзеяння па процiдзеянню карупцыi.

Генеральны пракурор далажыў аб распрацоўцы комплексу арганiзацыйна-кадравых мераў па рэалiзацыi палажэнняў Закона Рэспублiкi Беларусь «Аб барацьбе з карупцыяй», адобранага Саветам Рэспублiкi Нацыянальнага сходу ў чэрвенi 2006 года. Так, пракуратурай дадаткова ўзмоцнена спецыяльнае падраздзяленне па барацьбе з карупцыяй у дзяржаўных органах.

Прэзiдэнт праiнфармаваны таксама аб вынiках барацьбы са злачыннасцю ў краiне ў першым паўгоддзi 2006 года.

Адзначана, што прынятыя праваахоўнымi органамi меры далi магчымасць знiзiць у параўнаннi з аналагiчным перыядам мiнулага года колькасць цяжкiх i асаблiва цяжкiх злачынстваў на 11 працэнтаў, у тым лiку на 19,1 працэнта — разбояў, на 16,5 працэнта — рабаванняў i на 22,4 працэнта — злачынстваў, звязаных з наркотыкамi. Скарацiлася колькасць злачынстваў сярод непаўналетнiх. У цэлым па рэспублiцы ўдалося дабiцца стабiлiзацыi крымiнагеннай абстаноўкi.

Прэзiдэнт запатрабаваў ад праваахоўных органаў, каб актыўнасць у барацьбе са злачыннасцю па ўсiх напрамках не слабела. Грамадзяне Беларусi павiнны адчуваць абароненасць сваёй маёмасцi, здароўя i жыцця, падкрэслiў Аляксандр Лукашэнка.

Кiраўнiк дзяржавы заслухаў таксама справаздачу аб ходзе папярэдняга расследавання i судовага разгляду крымiнальных спраў, што знаходзяцца на кантролi ў прэзiдэнта Беларусi.