Не прапусціце сезон гаючых ягад

Источник материала:

Паводле яго слоў, такiя меры прыняты для павышэння матэрыяльнага стымулявання зборшчыкаў ягад, каб яны здавалi iх перш за ўсё нарыхтоўшчыкам спажыўкааперацыi. Раз’язныя нарыхтоўшчыкi вядуць прыём ягад непасрэдна на месцах збору ў лесе, а таксама на мiнi-рынках уздоўж аўтатрас.

Прадпрыемствы спажыўкааперацыi, зацiкаўленыя ў максiмальнай закупцы лясных ягад i выкананнi ўстаноўленага задання па iх экспарту, прымаюць у гэтым годзе i iншыя меры, расказаў Уладзiмiр Гапановiч. Так, раз’язныя нарыхтоўшчыкi наведваюць актыўных зборшчыкаў ягад дома, заключаюць з iмi дагаворы на пастаўку ягад, выдзяляюць тавары i прадукты ў крэдыт у лiк будучай здачы.

З плануемых у гэтым годзе 5,5 тыс. тон чарнiц закуплена ўсяго 228 тон. Уся ягада накiравана на перапрацоўку. У галiне дзейнiчае два тунэлi па глыбокай замарозцы ягад на Маладзечанскiм i Iванаўскiм харчовых камбiнатах, адзначыў начальнiк упраўлення нарыхтовак i работы рынкаў Белкаапсаюза. «Як толькi ўстановiцца прымальная цана на чарнiцы на знешнiм рынку, а яна, як правiла, у 5—6 разоў вышэй у параўнаннi з дзеючай на ўнутраным рынку, мы зможам ажыццяўляць пастаўкi прадукцыi на экспарт, — патлумачыў Уладзiмiр Гапановiч. — У Беларусi яшчэ ёсць запасы чарнiц, у iншых жа краiнах Еўропы з-за засухi чарнiчнiкi загiнулi цалкам, «згарэлi» чарнiцы ва Украiне, таму на пастаўкi лясной ягады з Беларусi разлiчваюць многiя замежныя спажыўцы».

У нарыхтоўшчыкаў ужо ёсць вопыт па аператыўнай закупцы садовых сунiц у насельнiцтва. Нягледзячы на абмежаваны тэрмiн нарыхтоўкi гэтай ягады — ён доўжыўся ўсяго два тыднi — прадпрыемствы спажыўкааперацыi накiроўвалi сёлета ў Столiнскi i Лунiнецкi раёны па 130—150 аўтамашын штодзень для закупкi ў насельнiцтва сунiц. Скаргаў на тое, што дзесьцi нельга было здаць ягады, у гэтым годзе не паступала. Закуплена 2700 тон садовых сунiц, што для сёлетняга засушлiвага лета нядрэнна, лiчыць Уладзiмiр Гапановiч.

Нарыхтоўка ягад будзе прадоўжана i, па разлiках спецыялiстаў, асноўны аб’ём закупак чарнiц, журавiн i бруснiц будзе ажыццёўлены спажыўкааперацыяй, а не заезджымi камерсантамi.