Што можа стараста?

Источник материала:

Паводле слоў старшынi Ваўкавыскага раённага Савета дэпутатаў Святланы Прадко, падчас такiх сустрэч старасты наведваюць сацыяльна значныя аб’екты, знаёмяцца з добраўпарадкаваннем дваровых тэрыторый, цiкавяцца, як вырашаюцца сацыяльныя запыты насельнiцтва.

Да прыкладу, на адным з апошнiх злётаў на тэрыторыi Гнезнаўскага сельсавета прынялi рашэнне разгледзець на чарговых раённых семiнарах пытаннi стану калодзежаў, якасцi пiтной вады i медыцынскага абслугоўвання ў вёсцы. Хоць што датычыцца медыцыны, то зроблена ў раёне нямала. Адчынены дзве бальнiцы сястрынскага догляду на 50 ложкаў у вёсках Волпа i Гнезна. Толькi за апошнi год на капiтальны i бягучы рамонт устаноў аховы здароўя зрасходавана 1 мiльярд 601 мiльён рублёў, а для набыцця медабсталявання за 2002—2005 гады — 13 мiльярдаў 421 мiльён рублёў. Сёлета на базе двух карпусоў былога санаторыя «Рось» адчынiлi аддзяленне на 40 месцаў для кругласутачнага знаходжання пажылых людзей i iнвалiдаў.

З мэтай вывучэння грамадскай думкi па той цi iншай праблеме ў раёне практыкуюць правядзенне «прамых тэлефонных лiнiй» раённым Саветам дэпутатаў, сельскiмi i пасялковымi Саветамi. Новая форма работы, зноў жа з удзелам старастаў i дэпутатаў — анкетаванне сельскага насельнiцтва. Анкетаванне задзейнiчалi, напрыклад, пры падрыхтоўцы да сесii пытання аб сумеснай рабоце ўчастковых iнспектараў з органамi тэрытарыяльнага грамадскага кiравання i самакiравання па выкананню Закона Рэспублiкi Беларусь «Аб мiлiцыi». Праведзенае сельскiм актывам анкетаванне паказала, што не ўсе рэспандэнты ведаюць свайго ўчастковага, а многiя з апытаных лiчаць, што грамадскi парадак на вёсцы не палепшыўся. Вынiкi аналiзу анкетавання былi падведзеныя па кожнаму сельскаму Савету асобна, з дэталёвым абмеркаваннем iх у РАУС.