Арганiзацыям, якiя ажыццяўляюць закупку сельскагаспадарчай сыравiны, будзе аказана дзяржпадтрымка

Источник материала:

Дакумент выдадзены ў мэтах фiнансавага забеспячэння своечасовых закупак сельскагаспадарчай сыравiны для дзяржаўных патрэб, а таксама арганiзацый i прадпрыемстваў збожжаперапрацоўчай i кансервавай прамысловасцi.

Указам прадугледжваецца выдача банкамi (адкрытымi акцыянернымi таварыствамi «Ашчадны банк «Беларусбанк», «Белаграпрамбанк», «Белiнвестбанк», «Белпрамбудбанк», «Прiорбанк» i «Белзнешэканомбанк») на тэрмiн да аднаго года пад гарантыi Урада i мясцовых выканаўчых i распарадчых органаў iльготных крэдытаў у памеры Br795,7 млрд, у тым лiку:

Br426,2 млрд — на закупку ў сельскагаспадарчых арганiзацый прадукцыi раслiнаводства для рэспублiканскiх дзяржаўных патрэб i аплату транспартных расходаў па яе дастаўцы;

Br241,9 млрд — на закупку i дастаўку фуражнага збожжа, бялковай сыравiны, у тым лiку за межамi рэспублiкi, зернебабовых культур, вотруб’я i правiту ў мэтах вытворчасцi поўнарацыённых камбiкармоў для прамысловай жывёлагадоўлi i птушкагадоўлi;

Br127,6 млрд — на закупку бульбы, пладоў, агароднiны, ягад i грыбоў (у тым лiку дзiкарослых), а таксама аплату расходаў па iх дастаўцы.

Указ устанаўлiвае парадак выплаты працэнтаў па крэдытах, умовы прадастаўлення гарантый урада, мясцовых выканаўчых i распарадчых органаў.

У 2006 годзе дзяржзаказ уключае 1 млн тон харчовага збожжа, 90 тыс. тон алейнага семя рапсу, 2 700 тыс. тон цукровых буракоў, 150 тыс. тон пiваварнага ячменю, 127 тыс. тон збожжа на спiрт i 16 тыс. тон iльновалакна.

Прадугледжаная ўказам мэтавая фiнансавая падтрымка з боку дзяржавы адначасовых закупак харчовай i фуражнай сыравiны стварае ўмовы для забеспячэння харчовай бяспекi краiны i нармальнай работы вялiкай колькасцi арганiзацый i прадпрыемстваў рэспублiкi.