Крынiца вiтамiнаў

Источник материала:

Свежыя чарнiцы i звараныя з iх кiсялi вельмi карысныя пры захворваннях страўнiкава-кiшачнага тракта. Дапамагаюць яны пры малакроўi, камянях у нырках, падагры, рэўматызме, скурных захворваннях. Яны здольныя панiжаць узровень цукру ў крывi, таму вельмi карысныя хворым на дыябет. Здаўна чарнiцы выкарыстоўвалi пры захворваннях печанi, а адварамi здробненых ягад лячылi апёкi, экзэму, псарыяз.

ЛЯКАРСТВА ЛЁТЧЫКАЎ I КАСМАНАЎТАЎ

Даўно вядома, што ягады чарнiц паляпшаюць зрок, забяспечваюць павелiчэнне поля зроку i памяншаюць стомленасць вачэй. Чарнiцы ўваходзяць у меню лётчыкаў i касманаўтаў. Справа ў тым, што яны садзейнiчаюць утварэнню святлоадчувальнага пiгменту вочнай сятчаткi. Дзякуючы яму вочы ўспрымаюць святло нават пры панiжаным асвятленнi i пры змяненнi iнтэнсiўнасцi святла. Аднак колькасць гэтага пiгменту памяншаецца ад дзеяння яркага святла, камп’ютарнага i тэлевiзiйнага экрана, таму чарнiцы рэкамендуецца ўключаць у свой рацыён людзям, прафесiя якiх патрабуе вялiкай зрокавай нагрузкi. Яны карысныя i тым, хто пакутуе ад вочных захворванняў (блiзарукасцi, дальназоркасцi, астыгматызму). Сёння чарнiцы — адзiн з самых папулярных сродкаў для паляпшэння зроку i прафiлактыкi вочных хвароб.

ПАРАТУНАК АД СТАРАСЦI

Праведзеныя даследаваннi паказалi: насычаная чарнiцамi дыета эфектыўная супраць такiх сiмптомаў старэння, як страта памяцi, мускульнай сiлы, зроку i парушэнне каардынацыi рухаў.

У чым прычына унiкальных уласцiвасцяў чарнiц? Усiм нам добра вядома разбуральная роля свабодных радыкалаў — менавiта яны ўносяць рашаючы ўклад у старэнне арганiзма. Аднак антыаксiданты могуць вельмi эфектыўна змагацца са свабоднымi радыкаламi, а чарнiцы — самая багатая крынiца антыаксiдантаў.

Экстракт чарнiц садзейнiчае павелiчэнню ў мозгу колькасцi дофамiну. Гэта злучэнне рэгулюе важныя працэсы ў мозгу, а чым маладзейшы мозг, якi рэгулюе ўсе вiды абмену ў арганiзме, тым маладзейшы сам арганiзм.

Пры падагры, запаленнi страўнiкава-кiшачнага тракта прыгатуйце настой з ягад чарнiц: 2 ст. лыжкi залiце ў тэрмасе 2 шклянкамi кiпеню, настойвайце 4—5 гадзiн, прымайце па 1/3 шклянкi 6 разоў на дзень.

Адвар з ягад чарнiц прымяняюць для паласкання рота i горла пры ангiне i прастудзе. Для яго прыгатавання 1 ст. лыжку ягад залiце 2 шк. гарачай вады i ўпарце напалавiну, затым працадзiце, адцiснiце ягады ў адвар. Рабiце паласканнi 3—4 разы на дзень.

Пры цукровым дыябеце i парушэннях зроку 2 ч. лыжкi ягад i лiсця чарнiц залiце 1 шк. кiпеню ў тэрмасе, настойвайце 2 гадзiны. Прымайце па 1/3 шк. 3 разы на дзень.