Анталогiя беларускай песнi

Источник материала:

Песня «Азярцо» створана ў 1998 годзе. Як i iншыя вакальныя творы, напiсаная Дзмiтрыем Далгалёвым i Уладзiмiрам Пецюкевiчам у творчым супрацоўнiцтве, яна поўная меладызму, лiрычнай шчырасцi. Iрына Дарафеева чула перадала баладны характар песнi, пранiкнёна распавяла пра невымерны боль дзявочага сэрца.

Сёлета на конкурсе маладых вакалiстаў «Славянскага базару» песню «Азярцо» выканала Наталля Гардзiенка (Малдова) i заняла першае месца. Гэта ўжо трэцi вакальны твор Дзмiтрыя Далгалёва i Уладзiмiра Пецюкевiча, з якiм выступаюць канкурсанты на «Славянскiм базары» i атрымлiваюць прызы.

Азярцо

СЛОВЫ Уладзiмiра Пецюкевiча. МУЗЫКА Дзмiтрыя Далгалёва

Сінь азёрная разліваецца,
Чайка белая лунае,
А дзяўчыначка-чараціначка
Слёзы горкія раняе.

— Азярцо маё, i мяне вазьмi —
Там, на дне тваiм, мой мiлы.
Меўся ўчора ён на спатканнi быць,
Чаўначком прыплыць iмклiвым!

Любага майго я чакала тут,
Калi ўзняўся вецер стылы,
Гнаў на бераг мой хваляў грозны вал
I абломкi вёсел-крылаў!..

Азярцо маё, ой, вазьмi, вазьмi
I мяне ў той свет нязнаны —
Стану ў сiнь-вадзе я русалачкай,
Каб навекi быць з закаханым!