Замарозiм лета

Источник материала:

Як правiльна замарожваць?

Па-магчымасцi замарожваць трэба свежасабраную прадукцыю, бо колькасць вiтамiнаў з часам губляецца.

Пры замарозцы зяленiва яго неабходна вымыць, стрэсцi ваду, раскласцi для прасушкi. Потым дробна нарэзаць i раскласцi па слоiках цi пакецiках, каб потым было зручна даставаць. Салiць не трэба. Адразу замарожваць.

Садавiну i гароднiну неабходна спачатку вымыць, пачысцiць i здрабнiць. Акрамя таго, большасць прадуктаў бланшыруецца. Перавага бланшыравання ў тым, што лепш захоўваюцца смак, колер i вiтамiны. Бланшыраванне ажыццяўляецца наступным чынам: падрыхтаваныя прадукты апускаюць у кiпень (можна ў друшляку), пасля гэтага на такi ж час апускаюць у ледзяную ваду, каб адразу спынiць працэс варкi. Кiпень можна выкарыстоўваць некалькi разоў, далiваючы пры неабходнасцi. Халодную ваду трэба мяняць, бо яна награецца.

Перад бланшыраваннем светлых прадуктаў можна дадаць у кiпячую ваду лiмонную цi аскарбiнавую кiслату (вiтамiн С), каб яны не згубiлi афарбоўку (1 г кiслаты на 5 л вады).

Потым садавiну i гароднiну трэба раскласцi ў пакеты цi латкi. Не забудзьцеся падпiсаць пакеты!

Каб нарыхтаваныя садавiна i гароднiна не згубiлi свой знешнi выгляд i каштоўныя якасцi, iх неабходна правiльна размарозiць. Для гэтага iх не трэба даставаць з пакета, а прама ва ўпакоўцы пакласцi ў гарачую ваду цi размарозiць у мiкрахвалевай печы.

Калi з замарожанай гароднiны вы будзеце нешта гатаваць, то папярэдняя размарозка не спатрэбiцца. Засыпайце ў каструлю ўсё ў тым выглядзе, як дасталi з маразiлкi. Але трэба ўлiчваць, што гатавацца яна будзе ў два разы хутчэй, чым сырая.

Калi гэта зяленiва, то яго трэба спачатку размяць i адразу ж дадаць у гарачыя стравы за 5 хвiлiн да гатоўнасцi. Такiм чынам кроп, пятрушка, базiлiк размарозяцца i набудуць першапачатковы выгляд.

Каб надаць размарожанай садавiне i гароднiне свежасць, сакавiтасць i палепшыць iх смакавыя якасцi, можна дадаць некалькi кропель свежага лiмоннага соку.

Гэта важна

Мяккiя ягады (клубнiцы, малiну) перад замарожваннем лепш расцерцi з цукрам i раскласцi ў маленькiя ёмiстасцi.

Перад замарозкай неабходна ачысцiць плады ад хвосцiкаў, пладаножак i насення.

Замарожваць трэба толькi якасныя плады — без пашкоджанняў. Iнакш зiмой вас чакае расчараванне.

Мыць прадукты трэба да замарозкi, а не пасля. Iнакш садавiна i гароднiна згубяць палову смаку i карысных рэчываў.

Пераспелыя плады для нарыхтоўкi не падыходзяць. Садавiну лепш замарожваць злёгку недаспелай.

Калi вы «выпадкова» размарозiлi прадукты, то вам усё роўна давядзецца iх з’есцi. Другi раз замарожваць нельга.