Главная
Гороскопы
У Беларусi завяршаецца працэс прыватызацыi прадпрыемстваў гандлю
Кар. БЕЛТА
«Раздзяржаўленне гандлю падыходзiць да завяршэння», — сказаў першы намеснік міністра гандлю РБ Міхаіл СВЯНІЦКІ. Паводле яго даных, тавараабарот дзяржаўных гандлёвых прадпрыемстваў складае толькi 15,8 працэнта ў агульным абароце.
Мiхаiл Свянцiцкi адзначыў, што апошнiм часам пачынае таксама паляпшацца фiнансавы стан прадпрыемстваў гандлю. Так, па вынiках студзеня-чэрвеня 2006 года рэнтабельнасць гандлёвай дзейнасцi склала 1,9 працэнта супраць 1,6 працэнта ў аналагiчным перыядзе мiнулага года. Доля стратных прадпрыемстваў скарацiлася на 4,4 працэнтнага пункта да 20,5 працэнта. Як паведамiў першы намеснiк мiнiстра, канчатковае вырашэнне пытання стратнасцi гандлёвых прадпрыемстваў Мiнгандаль бачыць у зняццi абмежаванняў па гандлёвай надбаўцы. «Гэта не павiнна закрануць сацыяльна значныя тавары, — адзначыў ён. — Але ёсць пералiк тавараў, дзе жорсткае рэгуляванне гандлёвай надбаўкi немэтазгодна зыходзячы як з iнтарэсаў гандлю, так i пакупнiкоў». Мiхаiл Свянцiцкi праiнфармаваў, што цяпер у Беларусi функцыянуе амаль 29,5 тыс. магазiнаў агульнай гандлёвай плошчай 2,9 млн.кв.м, 10,5 тыс. прадпрыемстваў грамадскага харчавання, 150 гандлёвых цэнтраў, больш як 300 рынкаў. У галiне занята больш як 550 тыс. чалавек (другое месца пасля прамысловасцi).
Чтобы разместить новость на сайте или в блоге скопируйте код:
На вашем ресурсе это будет выглядеть так
«Раздзяржаўленне гандлю падыходзiць да завяршэння», — сказаў першы намеснік міністра гандлю РБ Міхаіл СВЯНІЦКІ |
|