Прадстаўнiкi Мiнiнфарма будуць часцей выязджаць на прадпрыемствы галiны

Источник материала:

Непасрэдныя сустрэчы прадстаўнiкоў мiнiстэрства з працоўнымi калектывамi падведамасных прадпрыемстваў, арганiзацый, удзел ва ўрачыстых мерапрыемствах, рабочых нарадах будзе садзейнiчаць дэбюракратызацыi работы ўсёй галiны, лiчыць мiнiстр. «Трэба арганiзоўваць прыём працоўных кiраўнiкамi Мiнiстэрства iнфармацыi на прадпрыемствах. Гэта карысна для нас, не гаворачы ўжо пра людзей, якiя працуюць у гэтых арганiзацыях», — сказаў ён. У цэлым, на думку Уладзiмiра Русакевiча, у мiнiстэрстве не працвiтае паператворчасць, няма залiшняй захопленасцi правядзеннем калегiй, планёрак.

Як паведамiў на пасяджэннi калегii кіраўнік справамi мiнiстэрства Iосiф Аўчыннiкаў, за 6 месяцаў 2006 года Мiнiстэрства iнфармацыi атрымала i адправiла 2 тыс. 138 дакументаў. У параўнаннi з адпаведным перыядам 2001 года дакументаабарот скарацiўся на 56,4 працэнта, у параўнаннi з аналагiчным перыядам 2005 года знiжэнне дакументаабароту склала крыху больш за 1 працэнт.

З 1 тыс. 552 уваходзячых пiсьмаў за першае паўгоддзе 2006 года 222 — Законы Рэспублiкi Беларусь, дэкрэты, указы, пастановы i iншыя нарматыўныя прававыя акты, распараджэннi, даручэннi Прэзiдэнта Рэспублiкi Беларусь. У першым паўгоддзi гэтага года скарацiлася на 10,3 працэнта (з 87 да 78) колькасць дакументаў, атрыманых ад падведамасных прадпрыемстваў i арганiзацый. Разам з тым колькасць пiсьмовых зваротаў грамадзян узрасла на 13 працэнтаў (са 138 да 156). Часцей за ўсё пытаннi ў пiсьмах закраналi публiкацыi ў друкаваных сродках масавай iнфармацыi, рэкламу на тэлебачаннi i радыё, кабельнага тэлебачання, трансляцыю тэлеканалаў НТБ, «Расiя», цэны на кнiжную прадукцыю, пытаннi патрыятычнага i праваслаўнага выхавання моладзi. Значная колькасць зваротаў змяшчала пытаннi выдання кнiг, публiкацыi твораў аўтараў у друкаваных сродках масавай iнфармацыi. Усе звароты разгледжаны ва ўстаноўленыя тэрмiны, аўтарам дадзены вычарпальныя адказы.