Сапраўдная гiсторыя Папялушкi

Источник материала:

Чытай, далей аб тым, як зрабiць самы модны, актуальны педыкюр сезона!

Сучасны педыкюр бывае трох вiдаў — класiчны, еўрапейскi i спа-педыкюр (яго яшчэ завуць апаратным).

Першы варыянт па вялiкаму рахунку дасяжны i ў хатнiх умовах, калi ты зможаш зрабiць гэта самастойна.

Спачатку ногi неабходна распарыць у цёплай ванначцы з марской соллю, што значна палягчае працэдуру. Пазногцi варта падстрыгчы i апрацаваць, а на кутыкулу нанесцi змякчальны крэм i, адсунуўшы лапаткай (пажадана з апельсiнавага дрэва), акуратна абрэзаць яе адным рухам, каб пазбегнуць задзiрын i парэзаў.

Еўрапейскi педыкюр сёння ўсё больш засланяе класiчны сваёй прастатой i бяспекай. Ён адрознiваецца тым, што скуру вакол пазногця не абразаюць, а выдаляюць пры дапамозе спецыяльных алеяў i крэмаў, якiя запавольваюць рост кутыкулы. Яна размякчаецца, становiцца менш прыкметнай i лёгка адсоўваецца лапаткай. Аднак пры такiм метадзе пажаданыя вынiкi будуць прыкметныя не адразу — пазногцi стануць iдэальнымi толькi праз 8—10 сеансаў.

Трэцi, самы «багаты» варыянт — спа-педыкюр. Яго можна зрабiць толькi ў салоне, пажадана ў дасведчанага i высокаквалiфiкаванага майстра. Такi педыкюр уключае не толькi выдаленне кутыкулы прафесiйнымi сродкамi, але i масаж, выроўнiванне, мадэлiраванне, нарошчванне i нават пратэзаванне пазногцяў! Пяткi шлiфуюцца спецыяльным дыскам, якi не траўмiруе скуру, а ногi адпачываюць у ванначцы з араматычнымi алеямi... Гэта надзвычай прыемная працэдура, адзiны (але iстотны) мiнус якой — даволi высокi кошт.

Гэта што датычыцца падрыхтоўчага этапу. А зараз да галоўнага — да модных тэндэнцый сезона.

Спачатку аб тым, ад чаго заканадаўцы гламуру ў гэтым сезоне адмовiлiся. Больш не актуальныя празрысты лак з блiскаўкамi i стразамi, падстрыжаныя «пад корань» пазногцi, абстрактны i яркi роспiс, рознакаляровыя кантрасныя пазногцi (так званая вясёлка), чорная i жоўтая эмаль, а таксама лак у тон памадзе, але кантрастны да адзежы i абутку.

Замест гэтага модны Алiмп захапiлi матавы лак (асаблiва белы), педыкюр а’ля «французскi манiкюр» з бэжавай асновай, падоўжаныя квадратныя пазногцi з закругленымi кутамi. Зноў прыходзiць да моднай улады любое адценне чырвонага лаку, стыльным становiцца лак у тон басаножак, а таксама роспiс па пазногцях пэўнымi i выразнымi малюнкамi — кветкi, жывёлы цi больш складаныя варыянты.

Суперава на пазногцях ног будзе выглядаць лак колеру, якi пераходзiць ад цёмнага да светлага адцення, скажам, ад цёмна-сiняга на вялiкiм пальцы да далiкатна-блакiтнага на мезенцы.

Моднымi аксэсуарамi застаюцца кольцы на пальцах ног i ланцужкi з кулончыкамi на шчыкалатках.

Мода, як заўсёды, не прапануе нiякiх дагматаў, а проста падштурхоўвае фантазiю. Карыстайся яе дэмакратычнасцю i прымяняй свой творчы патэнцыял па поўнай праграме. У рэшце рэшт, што можа быць больш прыемным, чым удасканалiць сябе — любiмую?