Хто не п’е сок?!

Источник материала:

Наогул цытрусавая «сям’я» вельмi разнастайная — акрамя пералiчаных фруктаў у яе ўваходзяць лiмон, пампела, цытрон, бергамот, лайм, горкiя памеранцы. На жаль, не ўсе яны прыдатныя для атрымання соку: адны вельмi горкiя, другiя — вельмi кiслыя, у iншых шмат костачак цi мала соку.

У апошнiя гады пачалi выпускаць спецыяльна «ўзбагачаныя» сокi, нектары i напоi з дабаўленнем соку. Напрыклад, з вiтамiнам Д i кальцыем або з дабаўкай, якая выводзiць з арганiзма халестэрын.

Дагэтуль многiя думаюць, што пiць варта выключна свежаадцiснуты сок, а ўсе гэтыя пакеты з працяглым тэрмiнам захоўвання — дарэмная трата грошай. Аднак незалежнае даследаванне iспанскiх вучоных паказала, што хоць у свежаадцiснутым соку i больш карысных рэчываў, iх дастаткова i ва ўпакаваных. Да таго ж, толькi што адцiснуты сок варта ўжываць адразу пасля прыгатавання, бо многiя злучэннi акiсляюцца на паветры, а вось герметычная ўпакоўка — добрая ад яго абарона. Сучасныя тэхналогii апрацоўкi такiя, што вiтамiны i iншыя карысныя рэчывы захоўваюцца па максiмуму. А ў апельсiнах, лiмонах, грэйпфрутах вiтамiны наогул самыя стойкiя.

Для тых жа, хто сур’ёзна настроены супраць адноўленых сокаў (атрыманых з канцэнтратаў), прыдумалi сокi прамога водцiску. Iх цеплавая апрацоўка самая ашчадная — гэта пастэрызацыя. Напоi абсалютна бяспечныя i вельмi доўга захоўваюцца. Адзiны недахоп: у нашых магазiнах яны вялiкая рэдкасць (менш за 1 працэнт ад агульнага асартыменту).

Самае галоўнае ў цытрусах — вiтамiн С. Паўтары шклянкi апельсiнавага соку штодня — i дзённую норму па вiтамiну С мы выканалi. Праўда, цяжарным i тым, хто займаецца спортам, патрэбна больш. Тут нельга перастарацца: высокае ўтрыманне арганiчных кiслот у цытрусавых можа быць небяспечным для адчувальных страўнiкаў. Сокi нельга пiць нашча. Нельга запiваць iмi лекi: запавольваецца вывядзенне апошнiх з арганiзма. Самыя карысныя для страўнiка — сокi з мякаццю, валокны якой не толькi спрыяльныя для кiшэчнiка, але i дапамагаюць выводзiць «дрэнны» халестэрын.