Помнiк стаiць, а памяць жыве?

Источник материала:

— Помнiк быў пабудаваны на народныя грошы, якiя збiралi спецыяльныя тралейбусы i аўтобусы з надпiсам «Памяць i абавязак», — узгадвае Уладзiмiр Шокаў, намеснiк старшынi саюза ветэранаў вайны ў Афганiстане. — Цiкава, што два туры конкурсу на лепшы праект помнiка на працягу 1988—1989 гадоў так i не выявiлi пераможцу. Пры падрыхтоўцы трэцяга тура ў Мiнск запрасiлi ўкраiнскага скульптара Юрыя Паўлава, якi з’яўляўся аўтарам афганскага помнiка ў Днепрапятроўску. Яго эскiз у вынiку i выйграў сярод дзесяцi праектаў беларускiх удзельнiкаў.

Афганскiм помнiк лiчыцца не толькi таму, што пабудаваны ў гонар загiнулых воiнаў-iнтэрнацыяналiстаў: у фундамент была замуравана капсула з зямлёй Афганiстана, а на самiм помнiку пазначаны iмёны воiнаў.

Зразумела, з цягам часу помнiк патрабуе рэканструкцыi, таму летась быў адноўлены роспiс i адрамантавана калакольная сiстэма, а неўзабаве будуць устаноўлены гранiтныя плiты з надпiсам iмёнаў беларусаў, якiя ўзялi ўдзел у шэрагу ваенных канфлiктаў. Акрамя гэтага плануецца ўрэзаць зялёны газон, бо недастаткова месца для правядзення цырымонiй.

Людмiла Адамава, старшыня Рэспублiканскай асацыяцыi членаў сем’яў ваенаслужачых, якiя загiнулi ў Афганiстане, «Памяць i абавязак» да звыклай назвы «Востраў слёз» дадае: «Востраў мужнасцi мацi i ўдоў, якiя засталiся без сваiх сыноў i мужоў, памерлых, выконваючы свой iнтэрнацыянальны абавязак. Крыўдна, што сёння зарастаюць магiлы афганцаў, бо iх пасля смерцi бацькоў нямакаму даглядаць, змяншаецца колькасць iльгот, быццам аб афганцах запамятавалi. Па статыстыцы кожны месяц памiрае па два воiны-iнтэрнацыяналiсты.

Даведка. У вайне ў Афганiстане ўзяло ўдзел звыш 32 тысяч беларусаў: 711 з iх загiнула, 40 памерла ад захворванняў непасрэдна ў Афганiстане, каля 870 вярнулася дадому iнвалiдамi. На сёння высветлены лёс усiх 12 чалавек, якiя знiклi без вестак. Баявымi ордэнамi i медалямi ўзнагароджана 14 300 беларусаў, 5 атрымалi званне Героя Савецкага Саюза.