Урад зацвердзiў прадстаўнiкоў дзяржавы ў органах кiравання асобных банкаў

Источник материала:

Згодна з дакументам намеснiк прэм’ер-мiнiстра Беларусi Вiктар Бура i мiнiстр гандлю Аляксандр Iванкоў назначаны прадстаўнiкамi ў ААТ «Беларускi банк развiцця i рэканструкцыi «Белiнвестбанк». Намеснiк прэм’ер-мiнiстра Беларусi Аляксандр Косiнец i першы намеснiк мiнiстра фiнансаў Анатоль Сверж — у ААТ «Белзнешэканомбанк».

У ААТ «Белпрамбудбанк» дзяржаву прадстаўляюць намеснiк прэм’ер-мiнiстра Беларусi Андрэй Кабякоў, мiнiстр архiтэктуры i будаўнiцтва Аляксандр Селязнёў i мiнiстр прамысловасцi Анатоль Русецкi.

Урад зацвердзiў мiнiстра энергетыкi Аляксандра Азярца i генеральнага дырэктара ААТ «Белтрансгаз» Дзмiтрыя Казакова дзяржаўнымi прадстаўнiкамi ў сумесным беларуска-расiйскiм ААТ «Белгазпрамбанк».

Мiнiстр фiнансаў Мiкалай Корбут i мiнiстр жыллёва-камунальнай гаспадаркi Уладзiмiр Белахвостаў будуць прадстаўляць iнтарэсы дзяржавы ў ААТ «Ашчадны банк «Беларусбанк».

У «Прiорбанк» ААТ такiя функцыi ўскладзены на першага намеснiка прэм’ер-мiнiстра Беларусi Уладзiмiра Сямашку i мiнiстра эканомiкi Мiкалая Зайчанку.

Намеснiк прэм’ер-мiнiстра Беларусi Iван Бамбiза i мiнiстр сельскай гаспадаркi i харчавання Леанiд Русак — прадстаўнiкi ААТ «Белаграпрамбанк».

Урад таксама рэкамендаваў гэтым банкам выбраць зацверджаных прадстаўнiкоў дзяржавы ў наглядальныя саветы.