«Адпачыла б, але буду працаваць над канцэпцыяй законапраекта...»

Источник материала:

Iдзе апошнi месяц лета. Цёплых летнiх выхадных дзён застаецца не так шмат, таму многiя жыхары нашай краiны iмкнуцца паехаць на суботу i нядзелю адпачываць «на прыроду»... Як вы збiраецеся правесцi блiжэйшыя выхадныя?

Сяргей ГЛIНСКI, вядучы спецыялiст аддзела iдэалагiчнай працы Валожынскага райвыканкама:

— У Iнтэрнэце пiшуць, што ў блiжэйшыя выхадныя будуць дажджы. Таму буду дома рыхтавацца да здачы дыпломнай працы. Я вучуся ў Гродзенскiм дзяржаўным аграрным унiверсiтэце.

А на наступныя выхадныя абавязкова паеду з сябрамi на прыроду. З начоўкай. Каб палавiць рыбу, зварыць юшку... Каб добра адпачыць.

Вольга АБРАМАВА, член Камiсii па заканадаўству i судова-прававых пытаннях Палаты прадстаўнiкоў Нацыянальнага сходу:

— Я б з задавальненнем адпачыла, але зараз працую над канцэпцыяй закона, якi хачу прапанаваць. Неабходнасць дадзенага дакумента ўжо ўзгоднена з выканаўчай уладай. Гэта праект закона аб абароне правоў спажыўцоў жыллёва-камунальных паслуг... Такiм чынам, буду працаваць у выхадныя, каб гэты законапраект быў уключаны ў план законапраектнай дзейнасцi на наступны год.

Якiя iдэi плануецца закласцi ў законапраект? Гэта пастаноўка пад кантроль грамадскага меркавання натуральных манапалiстаў. Гэта права грамадзян на атрыманне ўсебаковай iнфармацыi па пытаннях, якiя датычацца фармiравання тарыфаў на жыллёва-камунальныя паслугi... У цэлым гэта стварэнне сiстэмы грамадскага кантролю за сферай ЖКГ, а таксама (у iдэале) стварэнне спецыялiзаванай службы, якая будзе займацца не адпiскамi па прэтэнзiях грамадзян, а стане прадметна вырашаць усе пытаннi абслугоўвання ЖКГ з улiкам перш за ўсё iнтарэсаў грамадзян.

Алена БРОК, намеснiк начальнiка ўпраўлення па фiзiчнай культуры, спорту i турызму Мiнаблвыканкама:

— Сёння (у пятнiцу, 4 жнiўня. — Аўт.) я планавала паехаць на Нарач, каб адпачыць на прыродзе. Але пятнаццаць хвiлiн таму патэлефанаваў начальнiк i сказаў, каб я пакуль нiчога не планавала, бо, верагодна, заўтра ў восем гадзiн ранiцы будзе нарада ў аблвыканкаме. Таму сяджу i чакаю...

Дарэчы, нават накiроўваючыся адпачываць, я ўсё роўна iмкнуся па дарозе паглядзець, дзе нейкая новая турыстычная стаянка з’явiлася, як iдзе загрузка турыстычных баз i г.д. А ў Нарачанскiм краi мае самае любiмыя месцы — гэта Блакiтныя азёры i рака Страча.