Главная
Гороскопы
Праз Польшчу — без транзiтнай вiзы
Сяргей КУЗНЯЦОЎ
З 1 жнiўня ўступiлi ў дзеянне новыя правiлы, якiя датычацца транзiту грамадзян Беларусi праз тэрыторыю Польшчы. Аб гэтым паведамiла прэс-служба Мiнiстэрства замежных спраў нашай краiны са спасылкай на iнфармацыю польскага пасольства ў Беларусi.
Цяпер грамадзяне Беларусi, якiя маюць сапраўдныя вiзы альбо дазволы на знаходжанне ў краiнах, якiя ўваходзяць у Шэнгенскую прастору, а таксама ў Венгрыi, Iсландыi, Кiпры, Латвii, Лiтве, Мальце, Нарвегii, Славакii, Славенii, Чэхii i Эстонii маюць права перасякаць тэрыторыю Польшчы транзiтам без транзiтнай вiзы гэтай краiны. Пры гэтым тэрмiн транзiту не можа перавышаць пяцi дзён. Такiя правiлы дзейнiчаюць i ў адносiнах да тых грамадзян нашай краiны, якiя маюць сапраўдныя вiзы або дазволы на знаходжанне ў Швейцарыi або Лiхтэнштэйне. Беларускiя грамадзяне, у якiх ёсць сапраўдныя вiзы або дазволы на знаходжанне ў Вялiкабрытанii або Iрландыi, маюць права перасякаць тэрыторыю Польшчы транзiтам без польскай вiзы, калi яны дабiраюцца да месца прызначэння паветраным шляхам. Тэрмiн транзiту ў гэтым выпадку таксама не павiнен перавышаць пяцi дзён. Перасякаць тэрыторыю Польшчы транзiтам беларускiя грамадзяне могуць толькi ў перыяд дзеяння вiзы альбо дазволу на знаходжанне ў краiне, куды яны накiроўваюцца. Праезд праз польскую тэрыторыю не дазваляецца да пачатку дзеяння вiзы, а пры праездзе назад выехаць з тэрыторыi Польшчы неабходна не пазней за тэрмiн дзеяння вiзы або дазволу на знаходжанне.
Чтобы разместить новость на сайте или в блоге скопируйте код:
На вашем ресурсе это будет выглядеть так
З 1 жнiўня ўступiлi ў дзеянне новыя правiлы, якiя датычацца транзiту грамадзян Беларусi праз тэрыторыю Польшчы |
|