У Мiнску будзе праверана работа ўсiх рынкаў

Источник материала:

На кантролі

З гэтай мэтай будзе створана рабочая група з прадстаўнiкоў адпаведных службаў, якiя прааналiзуюць арганiзацыю i парадак работы ўсiх сталiчных рынкаў, адзначыў кiраўнiк гарадской адмiнiстрацыi, пасля чаго вынiкi праверкi будуць разгледжаны на пасяджэннi выканкама з удзелам кiраўнiкоў гэтых аб’ектаў гандлю.

Прычынай для такой рэвiзii сталi факты парушэння правiлаў гандлю i правiлаў знаходжання ў нашай краiне грамадзянамi замежных дзяржаў. Паводле iнфармацыi намеснiка начальнiка ГУУС Мiнгарвыканкама, начальнiка мiлiцыi грамадскай бяспекi i спецыяльнай мiлiцыi, палкоўнiка мiлiцыi Аляксандра Найдзенкi, на працягу 5—6 жнiўня сталiчнай мiлiцыяй былi правераны ўсе рынкi, на якiх працавалi 325 iншаземцаў. З iх 123 чалавекi прыбылi з Азербайджана, 47 — з Грузii, астатнiя — грамадзяне Расii. У вынiку складзена 185 пратаколаў за парушэнне правiлаў знаходжання, 2 чалавекi дэпартаваны, узбуджана 1 крымiнальная справа. Паводле слоў Аляксандра Найдзенкi, з-за парушэнняў правiлаў гандлю з боку асобных замежных грамадзян церпяць жыхары нашай рэспублiкi, якiя хацелi б прадаць свой тавар. У якасцi прыкладу ён прывёў гандлёвы дом «Ждановiчы», дзе ў перыяд з мая па лiстапад «пры поўным патураннi з боку адмiнiстрацыi рынку грамадзяне каўказскай нацыянальнасцi скупляюць гандлёвыя месцы, у прыватнасцi, па рэалiзацыi плодаагароднiннай прадукцыi, а затым перапрадаюць iх у 2—3 разы даражэй». Толькi па аднаму факту за 2 тыднi даход ад такой iлжэпрадпрымальнiцкай дзейнасцi склаў Br12 млн, канстатаваў намеснiк начальнiка ГУУС Мiнгарвыканкама. Акрамя таго, падчас маючай адбыцца праверкi будзе прааналiзавана выкананне правiлаў прымянення ставак арэнднай платы.