Кансультацыя: дзве ў адной

Источник материала:

Атрымаць кансультацыю вопытных гастраэнтэролага i эндаскапiста на працягу аднаго дня цяпер можна ў гастраэнтэралагiчным цэнтры Першамайскага раёна сталiцы, створаным на базе 28-й палiклiнiкi. Акрамя таго, у выпадку, калi неабходна даабследаванне пацыента, спецыялiсты цэнтра тут жа накiруюць яго на кансультацыю на кафедру гастраэнтэралогii Беларускай медыцынскай акадэмii паслядыпломнай адукацыi або ў Мiнскi дыягнастычны цэнт. У гэтым годзе «першамайцы» ўкаранiлi метад цыталагiчнай экспрэс-дыягностыкi. Ён дазваляе праводзiць гiсталагiчнае даследаванне значна хутчэй, чым бiяпсiя. Акрамя таго, гастраэнтэролагi 28-й палiклiнiкi валодаюць метадам лячэбна-дыягнастычнай эндаскапii. З яго дапамогай, а таксама з дапрамогай урэязнага тэста ўрачы вызначаюць наяўнасць мiкроба, якi выклiкае язвавую хваробу.

Людмiла ПРЫХОДЗЬКА, «Мiнск—Навiны».

БЯГОНIЯ ДАПАМОЖА ХВОРЫМ НЫРКАМ

Бiялагiчна актыўную дабаўку «Бегонефрыл» для лячэння запаленчых працэсаў нырак i мочавыводзячых шляхоў распрацавалi спецыялiсты УП «Дыялек» канцэрна «Белбiяфарм» i Цэнтральнага батанiчнага сада (ЦБС) Нацыянальнай акадэмii навук Беларусi.

Асноўны кампанент сродку — лiсты распаўсюджанай у кветкаводстве бягонii. Прэпарат валодае iмунамадулюючым, антыаксiдантным i процiзапаленчым дзеяннем. Вытворчасць «Бегонефрылу» плануецца арганiзаваць сёлета на базе УП «Дыялек».

У ЦБС паведамiлi, што распрацаваны сродак па заданню дзяржаўнай навукова-тэхнiчнай праграмы «Фiтапрэпараты». Падчас яе рэалiзацыi да 2010 года намечана расшырыць асартымент культывуемых у Беларусi лекавых i востраводарных раслiн на 20 вiдаў, перавесцi вытворчасць сыравiны на прамысловую аснову, насыцiць унутраны рынак уласнымi лекавымi зборамi, спецыямi i вострымi прыправамi. Для гэтага вытворчыя плошчы лекавай i востраводарнай сыравiны плануецца расшырыць да 1 тыс. га.

Iрына БАРЫСЕНКА, БЕЛТА.

ЗЯЛЁНЫЯ «ЛЁГКIЯ» КАСТРЫЧНIЦКАГА РАЁНА

Хоць Кастрычнiцкi раён сталiцы i не самы iндустрыяльны i забруджаны, лiшнiя «лёгкiя» яму не пашкодзяць. Так вырашылi зелянбудаўцы гэтага раёна i за першыя шэсць месяцаў сёлета пасадзiлi 1099 дрэў, 3000 кустоў, больш за 115 тысяч розных кветак. Акрамя таго, тут устроена 3,77 гектара газонаў. Гэтыя лiчбы некалькi перавышаюць планавае заданне. Цяпер працаўнiкi «зялёнага цэха» працягваюць афармляць магiстралi раёна кветкамi.

Iна ПАЛЮХОВIЧ, «Мiнск—Навiны».