Усе асноўныя паказчыкi Генпагаднення на 2006—2008 гады паспяхова выконваюцца

Источник материала:

Марыя ГУЦАЛА, БЕЛТА

Усе асноўныя паказчыкi, закладзеныя ў Генеральным пагадненнi памiж урадам Беларусi, рэспублiканскiмi аб’яднаннямi наймальнiкаў i прафсаюзаў на 2006—2008 гады, паспяхова выконваюцца, лiчыць старшыня Федэрацыi прафсаюзаў Беларусi Леанiд Козiк. Выступаючы ў Мiнску на пасяджэннi Нацыянальнага савета па працоўных i сацыяльных пытаннях, ён адзначыў, што вынiкi работы народнай гаспадаркi нашай краiны за 1-е паўгоддзе гэтага года i аналiз выканання Генпагаднення сведчаць аб станоўчай дынамiцы развiцця эканомiкi рэспублiкi. Леанiд Козiк паведамiў, што згодна з рознымi сацыяльнымi апытаннямi, праведзенымi ў Беларусi, больш як 50 працэнтаў насельнiцтва нашай краiны лiчыць, што iх даходы ў студзенi—чэрвенi гэтага года павысiлiся. «У мiнулым годзе гэта лiчба не даходзiла i да 30 працэнтаў», — падкрэслiў ён. Леанiд Козiк адзначыў, што ў Беларусi ўсё яшчэ засталiся арганiзацыi, якiя не заключаюць калектыўныя дагаворы i не маюць пярвiчных прафсаюзных арганiзацый. У асноўным гэта арганiзацыi прыватнага сектара эканомiкi, дзе з-за адсутнасцi кантролю наймальнiк часта не забяспечвае сваiх работнiкаў належнымi сацыяльнымi льготамi i гарантыямi. Cтаршыня ФПБ мае намер iнiцыiраваць уключэнне пункта аб абавязковым заключэннi калектыўных дагавораў ва ўсiх арганiзацыях, якiя выкарыстоўваюць наёмную працу, у Генеральнае пагадненне i «на ўзроўнi заканадаўчай базы».