Агульная дыспансерызацыя — ужо з наступнага года

Источник материала:

У ходзе дыспансерызацыi вялiкая ўвага будзе ўдзелена прафiлактыцы захворванняў сардэчна-сасудзiстай сiстэмы. Менавiта яны, паводле слоў галоўнага тэрапеўта Мiнiстэрства аховы здароўя рэспублiкi Людмiлы Жылевiч, сёння з’яўляюцца асноўнай прычынай смяротнасцi i iнвалiднасцi сярод дарослага насельнiцтва.

У час дыспансерызацыi ўсiх даследуемых падзеляць на тры групы: ад 18 да 29 гадоў, з 29 да 40, ад 40 i старэй. Ва ўсiх групах пацыенты абавязкова здадуць аналiзы, iм будуць зроблены кардыяграма i флюараграфiя, праведзена абследаванне на ўтрыманне ўзроўню халестэрыну. Акрамя таго, грамадзяне пройдуць спецыяльныя тэсты, якiя паспяхова прxымяняюцца ў Еўропе. Яны дапамогуць высветлiць, якая ступень рызыкi развiцця хвароб у блiжэйшыя дзесяць гадоў. Да ўчастковага ўрача будуць накiраваны тыя пацыенты, у якiх знойдзена захворванне i якiм неабходны дадатковыя абследаваннi i лячэнне.

Аднак, падкрэслiвае Людмiла Жылевiч, i само насельнiцтва павiнна станоўча аднесцiся да медагляду i зразумець, што раз у год абавязкова трэба паклапацiцца аб сваiм здароўi i праверыцца.

На жаль, зараз многiя iдуць да ўрача, калi гром грымнуў. I да лячэбнiкаў трапляюць людзi, калi медыкi могуць iх толькi вывесцi з крызiснай сiтуацыi або дапамагчы ўтрымлiваць хранiчны працэс у стане ўстойлiвай рэмiсii, а не тады, калi спецыялiсты не дадуць развiцца захворванню.