Колькi «каштуюць» школьныя веды?

Источник материала:

У адпаведнасцi з рашэннем урада, як i ў папярэднiя гады, бацькi будуць аплочваць толькi 50 працэнтаў сабекошту падручнiкаў. Ад унясення платы за карыстанне падручнiкамi вызваляюцца:

— бацькi (або асобы якiя iх замяняюць), дзецi якiх навучаюцца ў спецыяльных установах адукацыi (спецыяльных дашкольных установах, спецыяльных агульнаадукацыйных школах, спецыяльных агульнаадукацыйных школах-iнтэрнатах, дапаможных школах, дапаможных школах-iнтэрнатах, цэнтрах карэкцыйна-развiццёвага навучання i рэабiлiтацыi);

— навучэнцы спецыяльных школ закрытага тыпу;

— навучэнцы агульнаадукацыйных санаторных школ;

— бацькi дзяцей, якiя маюць асаблiвасцi ў псiхафiзiчным развiццi i навучаюцца ва ўстановах адукацыi, а таксама ў хатнiх умовах;

— сем’i, якiя ў адпаведнасцi з Законам Рэспублiкi Беларусь «Аб дзяржаўных дапамогах сем’ям, якiя выхоўваюць дзяцей» атрымлiваюць дзяржаўныя дапамогi на дзяцей ва ўзросце больш за 3 гады;

— сем’i, у якiх адзiн цi абодва бацькi — iнвалiды I-II групы;

— дзецi-сiроты i дзецi, якiя засталiся без апекi бацькоў;

— дзецi-iнвалiды ва ўзросце да 18 гадоў, iнвалiды з дзяцiнства, дзецi, якiя пакутуюць ад анкалагiчных захворванняў цi туберкулёзу.

Плата за падручнiкi не бярэцца таксама з сем’яў ваеннаслужачых цi сем’яў рабочых i служачых, якiя займалi штатныя пасады ў воiнскiх часцях у складзе савецкiх войскаў, загiнулых (памерлых) цi стаўшых iнвалiдамi пры выкананнi абавязкаў воiнскай службы.

Для бацькоў, якiя выхоўваюць траiх i больш дзяцей, плата за школьныя падручнiкi змяншаецца на 50 працэнтаў.

Сума платы за карыстанне падручнiкамi ў 2006/2007 навучальным годзе складзе:

для школ з беларускай мовай навучання па праграме 12-гадовай школы

1 клас — 8310 рублёў;

2 клас — 5170 рублёў;

3 клас — 3420 рублёў;

4 клас — 3860 рублёў;

5 клас — 8700 рублёў;

6 клас — 9790 рублёў;

7 клас — 13.190 рублёў;

8 клас — 19.120 рублёў;

9 клас — 18.730 рублёў;

10 клас — 19.440 рублёў;

для школ з беларускай мовай навучання па праграме 11-гадовай школы:

9 клас — 7290 рублёў;

10 клас — 10.280 рублёў;

11 клас — 10.740 рублёў.

Для школ з рускай мовай навучання па праграме 12-гадовай школы:

1 клас — 8310 рублёў

2 клас — 5170 рублёў;

3 клас — 3960 рублёў;

4 клас — 4540 рублёў;

5 клас — 8700 рублёў;

6 клас — 9790 рублёў;

7 клас — 13.190 рублёў;

8 клас — 19.120 рублёў;

9 клас — 18.730 рублёў;

10 клас — 19.440 рублёў

па праграме 11-гадовай школы:

9 клас — 6590 рублёў;

10 клас — 10.280 рублёў

11 клас — 10.740 рублёў.