Дадатковы выхадны

Источник материала:

Майму сыну нядаўна споўнiлася 3 гады, i я выйшла на працу. Але паколькi я з’яўляюся мацi-адзiночкай i мне цяжка спраўляцца з выхаваннем сына, я хацела ўзяць на рабоце адзiн дадатковы выхадны на тыднi. На маю просьбу аб гэтым у аддзеле кадраў патлумачылi, што я не маю на гэта права. Цi так гэта?

Iрына П., г. Бабруйск.

Так, артыкулам 289 Працоўнага кодэкса РБ прадугледжана, што наймальнiк абавязаны ўстанаўлiваць як пры прыёме на работу, так i потым няпоўны рабочы дзень або няпоўны рабочы тыдзень па просьбе жанчыны, якая мае дзiця ва ўзросце да чатырнаццацi гадоў. Пры няпоўным рабочым днi змяншаецца норма працягласцi штодзённай работы, а пры няпоўным рабочым тыднi скарачаецца колькасць рабочых дзён у тыдзень.

Адрозненне памiж гэтымi артыкуламi ў тым, што мацi, якая мае дваiх дзяцей, атрымлiвае свабодны ад работы дзень на падставе артыкула 265 з аплатай яго ў памеры сярэднядзённага заробку, а мацi, якая мае адно дзiця, можа працаваць на ўмовах няпоўнага рабочага дня або няпоўнага рабочага тыдня з аплатай прапарцыянальна адпрацаванаму часу або ў залежнасцi ад вырабаткі, гэта значыць, што свабодныя часы або дзень не аплачваюцца.