Тыповы аграгарадок. Такiм быць i павiнен!

Источник материала:

Зараз у гэтым аграгарадку мясцовым жыхарам ёсць чым ганарыцца. У невялiчкую экскурсiю па вёсцы з насельнiцтвам пад 2,5 тысячы чалавек мы адправiлiся разам са старшынёй Ноўкiнскага сельскага Савета Васiлём Сухадолавым. Ён паказаў урачэбную амбулаторыю, дзе падчас нашага вiзiту працягваўся еўрарамонт. Выконваючая абавязкi галоўнага ўрача Наталля Нiкiценка — малады спецыялiст, у вёсцы па размеркаванню. Умовамi працы вельмi задаволеная, бо не ў кожнай вiцебскай палiклiнiцы так утульна. Ноўкiнская ўрачэбная амбулаторыя добра фiнансуецца, набываецца новае сучаснае медыцынскае абсталяванне. Чэргаў да спецыялiстаў няма. Пакуль што прыгажуня Наталля прыязджае на работу з абласнога цэнтра. Добра, што маршруткi ходзяць у Ноўку па некалькi разоў у гадзiну. Канешне, пажадана, каб яна i iншыя маладыя спецыялiсты атрымлiвалi жыллё на месцы. I ў прынцыпе гэта магчыма. Запланавана пабудаваць маладзёжны жыллёва-будаўнiчы кааператыў. Ды i iндывiдуальныя дамы тут будуюць штогод. Каля 30 сядзiб для рабочых i спецыялiстаў ААТ «Рудакова» ўпрыгожваюць новую вулiцу вёскi. А каб добрую «карцiнку» ў вёсцы не псавалi старыя безгаспадарчыя дамы, iх разбураюць.

З задавальненнем ноўкiнцы ходзяць сем’ямi ў забаўляльны цэнтр «Спадарожнiк». Тут можна папрацаваць i пагуляць у камп’ютарныя гульні, схадзiць у кафэ, а дзецям — пакатацца па вулiцы на аўтамабiльчыках з электрарухавiкамi. Дзейнiчае ў аграгарадку адзiны ў вобласцi сельскi цэнтр развiцця дзiцяцi, што адкрыўся год таму, ёсць цудоўная школа. Атрымлiваюць другое жыццё сельскi Дом культуры, адмiнiстрацыйны будынак сельвыканкама, павiнна быць адрамантавана i пошта. Сучасны стан мае i стадыён, трыбуны якога разлiчаны на 500 гледачоў. Адрамантаваны сельскiя крамы.

Ноўка на сваiм прыкладзе дэманструе, што вялiкiя фiнансавыя сродкi, укладзеныя ў стварэнне iнфраструктуры, адродзяць вёску толькi тады, калi паралельна будуць развiвацца гаспадаркi. Аб’екты ААТ «Рудакова» паспяхова мадэрнiзуюцца. На цяплiчным камбiнаце прымяняюцца энергазберагальныя тэхналогii i вырошчваюцца гiбрыдныя гатункi гароднiны. У вынiку — цяплiцы даюць салiдны прыбытак. А рабочыя атрымлiваюць па 700 тысяч i больш рублёў. Вясной у «Рудакове» запрацаваў сучасны малочнатаварны комплекс. Ён разлiчаны на 1200 жывёл. Будаўнiцтва i абсталяванне комплексу абышлося ў 19 мiльярдаў рублёў. Штодзень «рудакоўцы» рэалiзуюць па 17, 5 тон малака. Штогод мяркуецца атрымлiваць прыбытак мiнiмум у 1,5 мiльярда. Таму iнвестыцыi ў такiя гаспадаркi хутка акупяцца.

Па просьбах i iнiцыятыве мясцовых жыхароў узводзiцца праваслаўны храм: людзям трэба клапацiцца i аб душы. Прыйшоў час вяртаць усё тое, што мы калiсьцi страцiлi, удыхнуць жыццё ў вёскi, дзе яшчэ ёсць каму працаваць i кармiць нас.

в. Ноўка Вiцебскага раёна.