Амерыканскую ўрадавую дэлегацыю абвiнавачваюць у фiнансаваннi перавароту ў Венесуэле

Источник материала:

Хроніка апошніх падзей

Мiльёны долараў былi выдзелены на «прадэмакратычную праграму», якая, як заяўляюць прыхiльнiкi Чавеса, з’яўляецца скрытай спробай забяспечыць апазiцыю сродкамi на барацьбу з урадам. Дарэчы, iнфармацыя аб гэтых грантах была атрымана пасля запыту агенцтва «Асашыэйтэд прэс» у адпаведнасцi з законам аб свабодзе распаўсюджвання iнфармацыi. Аддзел iнiцыятыў па фiнансавых аперацыях, якi таксама працуе ў такiх «прыярытэтных краiнах», як Iрак, Афганiстан, Балiвiя, Гаiцi, ужо прадаставiў венесуэльскiм апазiцыянерам грантаў на агульную суму больш за 26 млн долараў. «Гэта значыць, што выдзяляецца вельмi шмат грошай i ўвагi таму, каб скiнуць Чавеса, — адзначае «Гардыян». — ЗША вядуць дыпламатычную вайну супраць Венесуэлы». Газета дадае, што, хоць ЗША абвiнавачваюць Чавеса ў дэстабiлiзацыi краiн Лацiнскай Амерыкi, у сапраўднасцi слова «дэстабiлiзацыя» хутчэй апiсвае тое, што спрабуюць зрабiць з Чавесам Злучаныя Штаты.

НА АЗОЎСКIМ I ЧОРНЫМ МОРАХ ЧАКАЮЦЦА МОЦНЫЯ ШТОРМЫ

На азоўскiм i чарнаморскiм узбярэжжы Краснадарскага края, як паведамляюць расiйскiя сiноптыкi, чакаюцца смерчы i штормы.

Паводле слоў першага намеснiка Галоўнага ўпраўлення МНС Расii Сяргея Капусцiна, «у вынiку працяглай спякоты мы ўступiлi ў перыяд так званых непрадказальных прыродных з’яў, у тым лiку i на кубанскiх узбярэжжах мораў, — гэта штормы i смерчы, выклiканыя шквалiстым ветрам, i так званая нагонная хваля». Як лiчыць спецыялiст, у блiжэйшыя днi характар надвор’я на ўзбярэжжах Чорнага i Азоўскага мораў будзе складаны. «Мы папярэджваем усiх адпачываючых, асаблiва тых, хто адпачывае «дзiкарамi», быць вельмi асцярожнымi. Не трэба расстаўляць палаткi паблiзу вады, тым больш — на астраўках цi касе, як гэта было ў станiцы Далжанскай», — сказаў Капусцiн. Як вядома, мiнулай ноччу так званая нагонная хваля змыла ў Азоўскае мора шасцярых чалавек — пяцярым удалося дабрацца да берага, а адзiн лiчыцца прапаўшым без звестак.

У ТУРЦЫI ПРАВААБАРОНЦЫ ПРАЗ СУД ПАТРАБУЮЦЬ АД КАМПАНII COCA-COLA РАСКРЫЦЬ САКРЭТ НАПОЮ

У спецыяльнай заяве адзначаецца, што нават на бутэльках з простай вадой, якая прадаецца ў Турцыi, ёсць поўная iнфармацыя аб рэчывах, якiя ў ёй змяшчаюцца. «Дзеля здароўя нашых дзяцей мы хочам ведаць, якiя канкрэтна рэчывы выкарыстоўваюцца для вытворчасцi напою i цi не з’яўляюцца яны шкоднымi», — адзначаецца ў пiсьме разам з судовым iскам. Тут жа выказваецца спадзяванне, што гэты «iск стане прыкладам для iншых краiн».

Мiж тым, у сераду турэцкая газета «Заман» паведамiла, што ў стамбульскiм Цэнтры канцэртаў i кангрэсаў з верасня забаронены продаж «кока-колы» i «пепсi». «Здароўе турэцкага народа не менш каштоўнае, чым у народаў Латвii i Iндыi, дзе ўжо прадпрыняты аналагiчныя крокi», — сказаў у iнтэрв’ю выданню ўладальнiк Цэнтра Мустафа Азбей.

У ГЕРМАНII РАБАЎНIКI ЎЗЛАМАЛI СКЛАД СУПЕРМАРКЕТА, КАБ УКРАСЦI АДЗIН ПIРОГ

Двое немцаў узламалi склад супермаркета i збеглi, украўшы адтуль толькi адзiн пiрог.

Як адзначыў прадстаўнiк палiцыi горада Iтцэхоэ, размешчанага на поўначы краiны, часам у галовы людзям прыходзяць самыя вар’яцкiя iдэi. Як паведамляе агенцтва «Рэйтар», палiцыя арыштавала двух зламыснiкаў ва ўзросце 29 i 41 года неўзабаве пасля налёту. Асаблiва адзначаецца, што ўкрадзены пiрог быў знойдзены пры вобыску кватэры, дзе жылi зладзеi, i вернуты магазiну.

Гэта не першы выпадак, звязаны з выкраданнем пiрагоў. Так, нядаўна ў Румынii злодзей, вага якога была 140 кiлаграмаў, таксама быў злоўлены пасля аналагiчнага правапарушэння. Яго затрымалi пасля таго, як ён захрас у акне, аб’еўшыся пiрагамi ў ходзе рабавання магазiна.