Шанс ёсць. Цi... быў?

25.08.2009 22:02 — |

Размер текста:: A; A; A

Источник материала:

Вiктар САВIЦКI

Кватэрнае пытанне

Я нарадзiла i выхоўваю пяцёра дзяцей (1982, 1983, 1986, 1997 i 1998 гадоў нараджэння). А вось жывём мы ў цеснаце: агульная плошча кватэры — 41 кв. м. У чарзе на лепшае жытло стаiм амаль 10 гадоў. Зрухаў нiякiх i льгот (мне кажуць) таксама, бо дзецi, маўляў, паўналетнiя. Цi так гэта? Цi ёсць хоць нейкiя шансы?

В.В. Уласiк, г.п. Астрыно Шчучынскага раёна.

У адпаведнасцi з дзеючым заканадаўствам, шматдзетнымi лiчацца тыя сем’i, якiя маюць трох i больш непаўналетнiх дзяцей, якiя не дасягнулi 18-гадовага ўзросту.

Аднак для атрымання льготных крэдытаў i (або) аднаразовых бязвыплатных субсiдый на будаўнiцтва (рэканструкцыю) або набыццё жылых памяшканняў шматдзетнымi згодна з падпунктам 1.3-1 Указа Прэзiдэнта Рэспублiкi Беларусь ад 14.04.2000 г. № 185 прызнаюцца сем’i, уключаныя ў спiсы шматдзетных сем’яў, што маюць патрэбу ў паляпшэннi жыллёвых умоў i права на атрыманне гэтых крэдытаў i (або) субсiдый, у якiх на дату заключэння крэдытнага дагавора i (або) прыняцця рашэння аб прадастаўленнi субсiдыi маецца не менш чым трое дзяцей ва ўзросце да 23 гадоў, якiя не ўзялi шлюб i пражываюць разам з бацькамi, уключаючы тых, хто вучыцца на дзённых аддзяленнях устаноў адукацыi ў iншых населеных пунктах i праходзiць тэрмiновую ваенную службу па прызыву i за якiмi, у адпаведнасцi з заканадаўствам, захоўваецца права карыстання займаемымi бацькамi жылымi памяшканнямi.

Указаныя шматдзетныя сем’i, разам з некаторымi iншымi льготнымi катэгорыямi грамадзян, маюць права на пазачарговае атрыманне льготных крэдытаў i субсiдый. Усiм iншым сем’ям (у тым лiку i няпоўным) iльготныя крэдыты на будаўнiцтва (рэканструкцыю) або набыццё жылых памяшканняў прадастаўляюцца па зацверджаных ва ўстаноўленым парадку спiсах, складзеных з прытрымлiваннем чарговасцi грамадзян, якiя маюць патрэбу ў паляпшэннi жыллёвых умоў.