Праблемы пiваварнай галiны не павiнны выпадаць з-пад увагi ўрада

Источник материала:

Тры гады таму кiраўнiк дзяржавы даручыў «Прiорбанк» ААТ заняцца фiнансаваннем рэканструкцыi беларускiх буйнейшых пiваварных прадпрыемстваў.

Як праiнфармаваў Сяргей Касцючэнка, у цэлым даручэнне прэзiдэнта выканана. Айчыннае пiва карыстаецца попытам, яно па смакавых якасцях i па цане з’яўляецца канкурэнтаздольным. Напрыклад, рыначная цана ААТ «Крынiца» толькi за апошнiя 3 гады вырасла ў 4 разы.

Наступны этап у развiццi пiваварнай галiны рэспублiкi — прыцягненне прамых замежных iнвестыцый. Паводле слоў Сяргея Касцючэнкi, да айчынных пiваварных прадпрыемстваў праяўляюць цiкавасць замежныя iнвестары: з чатырох буйнейшых пiваварных кампанiй тры сусветныя вытворцы падалi заяўку i гатовы прыйсцi на беларускi рынак. Iх iнтарэс звязаны з пакупной здольнасцю беларусаў, патэнцыялам росту спажывання пiва i перспектывамi развiцця вытворчасцi.

На сустрэчы былi падрабязна абмеркаваны кандыдатуры патэнцыяльных iнвестараў i магчымыя ўмовы iх работы.

Асаблiвая ўвага была ўдзелена праблеме вытворчасцi ў рэспублiцы пiваварнага ячменю. Сяргей Касцючэнка падкрэслiў, што ў гэтым годзе на ўраджай пiваварнага ячменю негатыўна паўплывалi неспрыяльныя ўмовы надвор’я. Тым не менш, на думку старшынi праўлення «Прiорбанк» ААТ, у Беларусi можна атрымлiваць высакаякасную сыравiну для вытворчасцi пiва.

Непрафесiйная вытворчасць пiваварнага ячменю, спробы чыноўнiкаў змянiць ДАСТы ў пiваварэннi для прыкрыцця сваёй некампетэнтнасцi, неадпаведныя рэчаiснасцi рапарты аб нiбыта добрым становiшчы спраў у гэтай сферы павiнны адысцi ў нябыт, i мы павiнны самi навучыцца вырошчваць высакаякасную сыравiну — у такiм рэчышчы iшла размова на сустрэчы. У сувязi з гэтым кiраўнiк дзяржавы даў адпаведныя даручэннi.

Пры гэтым прэзiдэнт выказаў неўразуменне: чаму такiя важныя пытаннi «праходзяць мiма» чыноўнiкаў, урада i прэм’ер-мiнiстра ў прыватнасцi.

У час гутаркi была закранута i праблема развiцця ў краiне культуры ўжывання спiртных напiткаў. Была таксама выказана занепакоенасць у сувязi з тым, што нiзкаякасныя пладова-ягадныя вiны сёння таннейшыя i больш даступныя за якаснае пiва. Па вынiках сустрэчы кiраўнiк дзяржавы рэзюмаваў: замежныя iнвестары павiнны прыйсцi i працаваць у пiваварнай галiне Беларусi, заплацiўшы рэальную цану. Для пошуку аптымальных варыянтаў будзе праведзены адкрыты iнвестыцыйны конкурс.

Прэс-служба Прэзiдэнта Рэспублiкi Беларусь.