Прэзiдэнт Беларусi запатрабаваў скарацiць тэрмiны будаўнiцтва ў 2 разы

Источник материала:

Сур’ёзныя нараканнi кiраўнiка дзяржавы выклiкалi i тэмпы будаўнiцтва ў Мiнску.

«Прымайце сур’ёзныя меры на ўзроўнi адпаведных мiнiстэрстваў. У будаўнiцтве ў нас сёння праблем не менш, чым у сельскай гаспадарцы», — падкрэслiў Аляксандр Лукашэнка.

«Цяпер у Беларусi будуецца нямала. Але з тымi тэмпамi i тым парадкам, якiя сёння iснуюць у будаўнiцтве, я згадзiцца не магу», — заявiў Аляксандр Лукашэнка. Прэзiдэнт дадаў, што меў магчымасць асабiста пераканацца ў тым, што зацягванне будаўнiчых работ у пераважнай большасцi выпадкаў неабгрунтаванае.

Кiраўнiк дзяржавы падкрэслiў, што павелiчэнне працягласцi будаўнiчых работ вядзе да падаражэння iх кошту.

За цану на жыллё i якасць будаўнiчых работ патрабаванне будзе асабiстае, заявiў прэзiдэнт Беларусi Аляксандр Лукашэнка.

«Мы не можам закопваць грошы ў зямлю», — падкрэслiў кiраўнiк дзяржавы на сустрэчы з намеснiкам прэм’ер-мiнiстра Вiктарам Бурам i намеснiкам кiраўнiка Адмiнiстрацыi прэзiдэнта Леанiдам Анфiмавым.

Прэзiдэнт акцэнтаваў увагу ўдзельнiкаў сустрэчы на такiм вострым сёння пытаннi, як цэны на жыллё. Ён нагадаў аб адказнасцi будаўнiкоў, якiя не маюць права павялiчваць агавораныя ў дагаворы цэны на працягу тэрмiну будаўнiцтва. Адзначыўшы, што кантроль за гэтым пытаннем будзе сур’ёзны, кiраўнiк дзяржавы ўказаў на неабходнасць спыняць спробы адмовы будаўнiкоў аб адпаведных падрадаў.

Прэс-служба Прэзiдэнта Рэспублiкi Беларусь.