У Беларусi крэдытаванне рэальнага сектара эканомiкi за 8 месяцаў узрасло на 32 працэнты

Источник материала:

Пётр Пракаповiч таксама далажыў, што асаблiвая ўвага ўдзялялася iнвестыцыйнаму i доўгатэрмiноваму крэдытаванню. Аб’ём доўгатэрмiновых крэдытаў за гэты перыяд павялiчыўся ў 1,4 раза, iльготных крэдытаў для будаўнiцтва жылля — у 1,7 раза, звычайных — у 1,5 раза. Хуткiмi тэмпамi iшло крэдытаванне на спажывецкiя патрэбы — за студзень—жнiвень такiя крэдыты выраслi больш як у 2 разы. У цэлым тэмпы крэдытавання эканомiкi былi ў 2,6 раза вышэйшыя, чым рост ВУП.

«Працэнтная палiтыка беларускiх банкаў застаецца нязменнай i накiравана на прыцягненне сродкаў прадпрыемстваў i насельнiцтва i знiжэнне ставак па крэдытах», — сказаў Пётр Пракаповiч. У жнiўнi сярэдняя працэнтная стаўка па новых крэдытах у беларускiх рублях склала 13,3 працэнта i знiзiлася ў параўнаннi з аналагiчным перыядам мiнулага года на 3,7 працэнтнага пункта.

У цэнтры ўвагi ў час даклада знаходзiлiся пытаннi цэнавай палiтыкi. Кiраўнiк Нацбанка паведамiў, што цэны ў рэспублiцы за 8 месяцаў выраслi на 2,9 працэнта. У параўнаннi з аналагiчным перыядам мiнулага года рост цэн запаволiўся ў 1,6 раза. У цэлым цэны ў Беларусi за студзень—жнiвень раслi ў 2,6 раза марудней, чым у Расii. Аляксандр Лукашэнка быў таксама праiнфармаваны, што ў Беларусi ў гэтым годзе курс нацыянальнай валюты застаецца стабiльны. У прыватнасцi, за 8 месяцаў курс беларускага рубля адносна долара ЗША ўмацаваўся на 0,4 працэнта.

Прэс-служба Прэзiдэнта Рэспублiкi Беларусь.