На камбінат — дынастыямі!

Источник материала:

Прадпрыемства яшчэ ў савецкiя часы было адным з лепшых у краiне. Зараз толькi тут дзейнiчае адзiны ў Беларусi асобны цэх па перапрацоўцы i вытворчасцi сыравэнджаных i сыравяленых каўбасы. Дырэктар камбiната Генадзь Скiтаў патлумачыў карэспандэнту газеты, што за апошнiя гады быў зроблены рамонт памяшканняў, з’явiлася еўрапейскае абсталяванне, заработная плата на сёння адна з самых вялiкiх у раёне.

— Раней мы наведвалi буйныя замежныя прадпрыемствы i здзiўлялiся, якi высокi ўзровень арганiзацыi вытворчасцi на iх. Зараз жа i ў нас працуюць не горшыя канвееры, па смаку i якасцi вырабаў мы нават пераўзыходзiм некаторых гiгантаў, — кажа Генадзь Скiтаў.

Камбiнат заўсёды быў моцным, але трэба было выходзiць у лiдары. Дапамог Мiнскi абласны выканаўчы камiтэт, ён выдаткаваў 3 мiльярды еўра на аднаўленне. Але на гэтым развiццё не спынiлася. Да канца года будуць асвоены 3 мiльярды рублёў уласных сродкаў, а ў наступным камбiнат плануе накiраваць яшчэ 3—4 мiльярды на канчатковае пераабсталяванне.

За чатыры гады барысаўская прадукцыя ўзяла больш за 160 узнагарод на мiжнародных харчовых выставах. Вядома, што менавiта пасля такiх форумаў наладжваюцца дзелавыя кантакты. Начальнiк аддзела перспектыўнага планавання i эканамiчнага аналiзу Наталля Ярашэнка паведамiла, што асноўнымi замежнымi спажыўцамi з’яўляюцца жыхары Масквы, Санкт-Пецярбурга, Смаленска. У расiйскай сталiцы ёсць i фiрмовыя крамы камбiната. Да канца года плануецца атрымаць каля 4,5 мiльёна долараў прыбытку ад экспарту.

Прыбытак любога прадпрыемства залежыць у першую чаргу ад людзей i толькi потым — ад сучаснага абсталявання. На Барысаўскiм мясакамбiнаце працуюць 1050 чалавек, так званай цякучасцi кадраў амаль не iснуе.

— Людзей трэба спачатку зацiкавiць, стварыць усе належныя ўмовы, — упэўнены дырэктар Генадзь Скiтаў. — Для сваiх работнiкаў мы зрабiлi бясплатныя масажны i стаматалагiчны кабiнеты. Перад пачаткам навучальнага года кожнай сям’i дапамагаем сабраць дзiця ў школу. За абеды ў сталовай камбiната персанал плацiць толькi частку iх кошту. Iснуе i сiстэма матэрыяльнай дапамогi. Напрыклад, перад выхадам у водпуск чалавек, якi працуе больш за дзесяць гадоў, атрымлiвае дадаткова 900 тысяч рублёў. Разам з тым мы патрабуем ад усiх выконваць пэўныя правiлы. Кожны дзень ранiцай i перад заканчэннем рабочага дня кожны праходзiць алкатэст. Усе працуючыя, ад прыбiральшчы да дырэктара, павiнны выглядаць ахайна. За гэты год органы ўнутраных спраў не зафiксавалi нiводнага парушэння з боку работнiкаў камбiната.

Можна казаць, што кожны другi жыхар Барысава жадае ўладкавацца менавiта на мясакамбiнат. Але адбор персаналу ажыццяўляецца ўважлiва. Спачатку прыслухоўваюцца да рэкамендацый работнiкаў, а потым чалавек працуе з выпрабавальным тэрмiнам тры месяцы. Тут усё больш працоўных дынастый.

Барысаў—Мiнск.