Памер дапамогi — адзiны па краiне

Источник материала:

Парламенцкi дзённiк

Такi адзiны памер будзе адпавядаць 65 працэнтам бюджэту пражытачнага мiнiмуму, якi сёння складае 165 тысяч рублёў. Акрамя гэтага, адзначыла член камiсii ПП НС па ахове здароўя, фiзiчнай культуры, справах сям’i i моладзi Валянцiна Кавалёва, законапраект прадугледжвае дапаўненне пералiку асоб, якiя маюць права на дапамогу па цяжарнасцi i родах i дапамогу на дзяцей ва ўзросце больш за тры гады, катэгорыяй асоб, што здзяйсняюць дзейнасць у якасцi натарыусаў.

Учора ж дэпутаты адобрылi прэзiдэнцкi дэкрэт № 13 «Аб унясеннi змяненняў у Дэкрэт Прэзiдэнта Рэспублiкi Беларусь ад 7 чэрвеня 2005 года № 6». Гэты дэкрэт, у прыватнасцi, дае права грамадзянам, якiя стаяць на ўлiку тых, хто мае патрэбу ў паляпшэннi жыллёвых умоў, на iндэксацыю чэкаў «Жыллё», на адчужэнне iх блiзкiм родным, а таксама для фiнансавання будаўнiцтва (рэканструкцыi), пакупкi жылых памяшканняў, пагашэння запазычанасцi па крэдытах банка, узятых на гэта будаўнiцтва цi пакупку, i пазыках юрыдычных асоб.