У Беларусi працэс стварэння i дзейнасцi прафсаюзаў будзе спрошчаны i дэбюракратызаваны

Источник материала:

Гэтыя дакументы iстотна спрашчаюць i дэбюракратызуюць працэс стварэння i дзейнасцi ў рэспублiцы адной з самых магутных апор дзяржавы — прафсаюзаў, падкрэслiлi ў прэс-службе.

Канцэпцыя, падрыхтаваная ўрадам у планавым парадку, прадугледжвае распрацоўку праекта новага Закона «Аб прафесiйных саюзах», каб комплексна i сiстэмна ўрэгуляваць пытаннi, звязаныя са стварэннем, рэгiстрацыяй i дзейнасцю прафсаюзаў, iх арганiзацыйных структур, саюзаў (асацыяцый) прафсаюзаў. Праект новага закона апiраецца на мiжнародныя прававыя нормы ў гэтай сферы, абавязацельствы, прынятыя Рэспублiкай Беларусь у рамках Мiжнароднай арганiзацыi працы, iснуючую практыку функцыянавання прафсаюзаў у нашай краiне, адзначылi ў прэс-службе прэзiдэнта.

У прыватнасцi, уводзiцца новы вiд прафсаюзаў — без утварэння юрыдычнай асобы, для якiх не патрэбна наяўнасць юрыдычнага адраса, такiя прафсаюзы не падлягаюць дзяржаўнай рэгiстрацыi, але будуць ставiцца на ўлiк у адпаведных мясцовых выканаўчых i распарадчых органах. Таксама ўстанаўлiваецца крытэрый прадстаўнiчасцi прафсаюзаў для ўзаемадзеяння з органамi дзяржаўнай улады па вырашэнню пытанняў сацыяльна-эканамiчнага развiцця краiны, а таксама вядзення калектыўных перагавораў i заключэння калектыўных дагавораў.

Указ «Аб некаторых пытаннях дзяржаўнай рэгiстрацыi грамадскiх аб’яднанняў i iх саюзаў (асацыяцый)» прадугледжвае скасаванне Рэспублiканскай камiсii па рэгiстрацыi (перарэгiстрацыi) грамадскiх аб’яднанняў, практычная неабходнасць у iснаваннi якой адпала. Такiм чынам, функцыi дзяржаўнай рэгiстрацыi грамадскiх аб’яднанняў ускладаюцца выключна на органы юстыцыi.

Прэс-служба Прэзiдэнта Рэспублiкi Беларусь.