Указ Прэзiдэнта Рэспублiкi Беларусь № 607

Источник материала:

У адпаведнасцi з пунктам 2 артыкула 84 Канстытуцыi Рэспублiкi Беларусь п а с т а н а ў л я ю:

1. Назначыць выбары ў мясцовыя Саветы дэпутатаў Рэспублiкi Беларусь дваццаць пятага склiкання на 14 студзеня 2007 г.

2. Цэнтральнай камiсii Рэспублiкi Беларусь па выбарах i правядзенню рэспублiканскiх рэферэндумаў у адпаведнасцi са сваiмi паўнамоцтвамi арганiзаваць правядзенне выбараў у мясцовыя Саветы дэпутатаў Рэспублiкi Беларусь i ажыццяўляць кантроль за выкананнем заканадаўства аб выбарах.

3. Дзяржаўным органам, iншым арганiзацыям забяспечыць выкананне ва ўстаноўленыя Выбарчым кодэксам Рэспублiкi Беларусь тэрмiны аднесеных да iх кампетэнцыi арганiзацыйных мерапрыемстваў па падрыхтоўцы i правядзенню выбараў у мясцовыя Саветы дэпутатаў Рэспублiкi Беларусь.

4. Савету Мiнiстраў Рэспублiкi Беларусь забяспечыць фiнансаванне расходаў на падрыхтоўку i правядзенне выбараў у мясцовыя Саветы дэпутатаў Рэспублiкi Беларусь у межах сродкаў, прадугледжаных у рэспублiканскiм бюджэце на гэтыя мэты.

5. Гэты Указ уступае ў сiлу з дня яго афiцыйнага апублiкавання.

Прэзiдэнт Рэспублiкi Беларусь А. ЛУКАШЭНКА.

10 кастрычнiка 2006 г.

г. Мiнск.