Дашчынскi вырашыў ажанiцца

Источник материала:

Спорт-тайм

З-ЗА ГЛЕДАЧОЎ ПАЦЯРПЕЎ... СТАДЫЁН

Нягледзячы на перамогу на стадыёне «Сцяўа», iгракi нацыянальнай зборнай Рунынii адмовiлiся гуляць на гэтай арэне, бо ў час сустрэчы з беларусамi з трыбун даносiлiся абразы ў адрас футбалiстаў «Дынама» i «Рапiда», у тым лiку i такой «зоркi», як Адрыяна Муту. Акрамя таго, паядынак у Бухарэсце сабраў толькi 10 тысяч мясцовых балельшчыкаў.

ЦI «ЧЫСТЫЯ НОГI» Ў КАЛIНЫ?

Ад карупцыi ў iтальянскiм футболе не схаваўся нават самы вядомы ў свеце рэферы П’ерлуiджы Калiна, старшыня Iталii ў камiсii рэферы УЕФА. «Фантамаса» абвiнавацiлi ў забароненых рэгламентам кантактах з менеджарам «Мiлана» Леанардзi Меанi, якi быў дысквалiфiкаваны па вынiках аперацыi «Чыстыя ногi». Калiне таксама пагражае адхiленне ад гульнi № 1.

ВЫКОНВАЮЧЫ АБАВЯЗКI + ФУТБАЛIСТ = ТРЭНЕР

Кiраўнiцтва ждановiцкай «Дарыды» не стала чакаць 23-га тура чэмпiянату Беларусi па футболу, а ў паўзе, звязанай з выступленнем галоўнай зборнай краiны, знайшло замену трэнеру Людасу Румбуцiсу. Экс-настаўнiк зараз будзе кiраваць у клубе селекцыйнай працай, а выконваць яго былыя абавязкi стане Вадзiм Бразоўскi. Дапамагаць новаму настаўнiку будзе вядомы абаронца Аляксандр Лухвiч.

МАТЭРАЦЫ НАПIСАЎ ... КНIГУ

Канфлiкт памiж iтальянцам Марка Матэрацы i французам Зiнэдзiнам Зiданам надта зацягнуўся i набыў абсурдны характар. Так, першы напiсаў кнiгу на сто лiстоў «Што я на самай справе сказаў Зiдану». На вокладцы, зразумела, здымак атакi француза галавой. У футбольным творы — 249 варыянтаў выразаў Матэрацы ў час сёлетняга фiналу на чэмпiянаце свету. Сярод самых цiкавых варыянтаў — «Зiнэдзiн, што гэта ты задумаў? Вы яшчэ не прайгралi, а ты ўжо абстрыг галаву».