Хроніка апошніх падзей

Источник материала:

Па меры наблiжэння выбараў у Кангрэс ЗША ўсё больш абвастраецца барацьба рэспублiканцаў i дэмакратаў. Першыя па-ранейшаму канцэнтруюць увагу на барацьбе з тэрарызмам, другiя — робяць акцэнт на няздольнасцi Джорджа Буша, якi мае вельмi нiзкi рэйтынг, вырашаць вастрэйшыя унутры- i знешнепалiтычныя праблемы.

У цэлым амерыканская грамадскасць iдэю барацьбы з тэрарызмам падтрымлiвае. Аднак, вiдавочна, што здольнасць гаспадара Белага дома сыграць на патрыятычных пачуццях амерыканцаў сёння значна зменшылася. Адсутнасць прадказанага хуткага прагрэсу, знiжэнне рэальных даходаў i ўзроўню жыцця насельнiцтва знiжаюць узровень даверу грамадзян да кiраўнiцтва ЗША. Ускладняе становiшча адмiнiстрацыi Джорджа Буша i знешнепалiтычны кантэкст. Няўдачы ў Iраку з’яўляюцца сур’ёзным раздражняльнiкам для амерыканцаў, якiя ўсё больш скептычна ставяцца да навязваемага меркавання аб тым, што бяспека Амерыкi залежыць ад вынiкаў бiтвы на вулiцах Багдада.

Днямi масла ў агонь падлiла справаздача Iнстытута аховы здароўя пры ўнiверсiтэце Джонса Хопкiнса (штат Мэрылэнд, ЗША). Згодна з вынiкамi даследавання iнстытута, за перыяд з сакавiка 2003 года, калi пачалася вайна ў Iраку, па цяперашнi час у краiне загiнула на 655 тысяч чалавек больш, чым загiнула б у мiрны час. А гэта 2,5 працэнта насельнiцтва 27-мiльённага Iрака. 31 працэнт з 1849 апытаных сем’яў лiчаць, што страцiлi родных з-за дзеянняў каалiцыйных войскаў.

Мiж тым прэзiдэнт ЗША на нядаўняй прэс-канферэнцыi ў Белым доме не прызнаў вышэй названыя вынiкi праўдзiвымi. У снежнi 2005 года Буш паведамляў пра 30 тысяч загiнулых сярод мiрнага насельнiцтва Iрака ў вынiку вайны. Iракскiя ўлады называюць лiчбу 40 тысяч загiнулых, а камандуючы амерыканскiмi войскамi ў Iраку Джордж ЗША Кейсi ў адным з iнтэрв’ю адзначыў, што «не бачыў колькасцi (загiнулых iракцаў), якая перавышала б 50 тысяч».

КАБМIН ЧЭХII АДПРАЎЛЕНЫ Ў АДСТАЎКУ

Прэзiдэнт Чэхii Вацлаў Клаус прыняў адстаўку прэм’ер-мiнiстра краiны Мiрэка Тапаланэка.

Кiраўнiк дзяржавы ўжо прыступiў да перамоў па фармiраванню новага ўрада з кiраўнiкамi ўсiх фракцый, прадстаўленых у нiжняй палаце парламента. Iмя новага прэтэндэнта на пасаду прэм’ера будзе абвешчана пасля мунiцыпальных выбараў, сумешчаных з выбарамi ў Сенат. Галасаванне запланавана на канец кастрычнiка.

Прычынай адстаўкi Тапаланэка i яго ўрада стаў вотум недаверу, вынесены ўраду парламентарыямi на мiнулым тыднi. Увогуле зацяжны палiтычны крызiс у Чэхii працягваецца з чэрвеня гэтага года, калi мясцовыя правыя i левыя атрымалi роўна па 100 месцаў у нiжняй палаце парламента. З таго часу чэхi не маюць стабiльнага кабiнета мiнiстраў.

КIТАЙ МОЖА АДАБРАЦЬ У ЗША СТАТУС СУПЕРДЗЯРЖАВЫ

Большасць жыхароў Iндыi, Кiтая i Паўднёвай Карэi лiчаць, што ў блiжэйшыя 50 гадоў Кiтай здолее зрабiць велiзарны скачок i адбярэ ў ЗША тытул супердзяржавы. Пра гэта сведчаць вынiкi сацыяльнага даследавання, праведзенага спецыялiстамi Чыкагскага савета па сусветных праблемах.

КНР ужо стала вядучай вытворчай сiлай у свеце. У гандлёвым звароце з шэрагам краiн рэспублiцы ўжо ўдалося выцеснiць ЗША з лiдзiруючых пазiцый. Згодна з тым жа даследаваннем, самi кiтайцы ўжо лiчаць сваю радзiму другой вялiкай дзяржавай свету i ўпэўнены ў тым, што для выхаду на адзiн узровень з ЗША iм хопiць аднаго дзесяцiгоддзя.

Адметна, што жыхары краiн Азii таксама перакананы ў тым, што растучая ваенная магутнасць Кiтая непазбежна прывядзе да маштабнага канфлiкту вядучых краiн рэгiёна.