На змену Кофi Анану прыходзiць паўднёвакарэйскi дыпламат

Источник материала:

У пачатку мiнулага тыдня Савет бяспекi ААН афiцыйна рэкамендаваў Генеральнай Асамблеi прызначыць паўднёвакарэйскага мiнiстра на пасаду генеральнага сакратара. Пры гэтым Савет Бяспекi рабiў выбар з шасцi кандыдатаў, сярод якiх была Вайра Вiке-Фрэйберга, прэзiдэнт суседняй з Беларуссю Латвii.

Пан Гi Мун нарадзiўся ў 1944 годзе, скончыў факультэт мiжнародных адносiнаў Сеулскага ўнiверсiтэта i школу дзяржаўнага кiравання iмя Джона Кенэдзi пры Гарвардскiм унiверсiтэце. Мiжнароднай палiтыкай займаецца вельмi працяглы час. Сярод папярэднiх пасад Пан Гi Муна — пасол у Аўстрыi, кiраўнiк пастаяннага прадстаўнiцтва Паўднёвай Карэi пры ААН. Перад прызначэннем на пасаду мiнiстра замежных спраў працаваў дарадцам прэзiдэнта па пытаннях знешняй палiтыкi.

Пан Гi Мун заявiў, што рэформы павiнны праводзiцца не для таго, каб «дагадзiць некаму, а таму, што мы цэнiм тое, дзеля чаго iснуе арганiзацыя. Мы рэфармуем ААН, бо верым у яе будучыню». Напярэдаднi пасяджэння Генеральнай Асамблеi, якое адбылося ў пятнiцу, пастаянны прадстаўнiк Беларусi пры ААН Андрэй Дапкюнас у гутарцы з карэспандэнтам «Звязды» адзначыў, што Пан Гi Мун — гэта «чалавек, якi не цураецца працы, гатовы працаваць доўга i ўпарта. Наколькi я ведаю, упартасць i жорсткасць у дасягненнi працоўных вынiкаў — гэта традыцыйная рыса характару карэйцаў». Пры гэтым Андрэй Дапкюнас дадаў, што такiя рысы характару — гэта вельмi добрыя рысы для генеральнага сакратара ААН у цяперашнi час.

Андрэй Дапкюнас прыгадаў таксама, што, на думку некаторых назiральнiкаў, у дзеяннях новага генеральнага сакратара «будзе больш ад сакратара, а не ад генерала». Такi падыход, не нацэлены на публiку, а нацэлены на паўсядзённую працу ў Нью-Йорку з урадамi краiн — сяброў ААН, на думку пастаяннага прадстаўнiка Беларусi пры ААН, будзе садзейнiчаць вырашэнню многiх праблем арганiзацыi.

Сяргей КУЗНЯЦОЎ, г. Нью-Йорк.