Сенатары адправiлi на дапрацоўку законапраект аб процiдзеяннi экстрэмiзму

Источник материала:

Нагадаем, што законапраект «Аб барацьбе з экстрэмiзмам» быў прыняты дэпутатамi Палаты прадстаўнiкоў 11 кастрычнiка гэтага года. У дакуменце даецца тлумачэнне тэрмiну «экстрэмiсцкая дзейнасць», а таксама прапiсваюцца сродкi барацьбы з экстрэмiсцкiмi праяўленнямi. Старшыня камiсii СР НС па мiжнародных справах i нацыянальнай бяспецы Мiкалай Чаргiнец заклiкаў сенатараў адхiлiць законапраект. Паводле яго слоў, асобныя яго артыкулы патрабуюць дапрацоўкi, у прыватнасцi, не прапiсаны вычарпальныя крытэрыi ацэнкi для прызнання той цi iншай арганiзацыi экстрэмiсцкай, утрымлiваюцца iншыя наступствы для замежных грамадзян i асоб без грамадзянства, якiя прызнаны ўдзельнiкамi экстрэмiсцкiх арганiзацый, чым гэта прадугледжваецца ў iншых беларускiх заканадаўчых актах.

Вось як пракаментаваў адхiленне законапраекта М. Чаргiнец: «Меры, якiя прымаюцца для барацьбы з экстрэмiзмам, у розных дзяржавах розныя. Але калi казаць аб нашым законе, то мы заўважылi ў iм не толькi некаторыя разыходжаннi з дзеючым заканадаўствам. Самае галоўнае, лiчым, што тыя меры па процiдзеянню экстрэмiзму, якiя намечаны ў гэтым законапраекце, павiнны быць больш жорсткiмi. Практыка паказала, што экстрэмiсцкiя праяўленнi павялiчваюцца, што ў свеце ўзнiмаецца ўсё большая хваля супраць як мiжнароднага, так i нацыянальнага экстрэмiзму. Нам аб гэтым таксама неабходна памятаць. У нас ёсць арганiзацыi, што дзейнiчаюць у тым лiку i за межамi, якiя, працуючы ў нашай краiне, праяўляюць часам чысты экстрэмiзм, i самае галоўнае — рыхтуюць людзей для праяўлення экстрэмiсцкiх вылазак. Вы ведаеце, што жодзiнская, на жаль, нават афганская арганiзацыя пачала нечакана вучыць моладзь, дзяцей, як прымяняць зброю, як змагацца з уладай, як процiдзейнiчаць законным органам аховы парадку, а таксама заклiкаць яе да падобных праяўленняў. Мы ўважлiва вывучылi законапраект, узважылi ўсе «за» i «супраць», прагледзелi яго наконт адпаведнасцi нашым законам аб барацьбе з тэрарызмам, арганiзаванай злачыннасцю i вырашылi ўнесцi прапановы, якiя былi б накiраваны на ўзмацненне барацьбы з экстрэмiзмам i прывядзенне гэтага законапраекта ў адпаведнасць з заканадаўствам нашай краiны i ўзятымi на сябе мiжнароднымi дагаворамi». Таксама М. Чаргiнец адзначыў, што будзе створана ўзгадняльная камiсiя, каб у блiжэйшы час прыняць дапрацаваны законапраект.

Таксама ўчора сенатары адхiлiлi законапраект «Аб унясеннi дапаўненняў i змяненняў у Грамадзянскi кодэкс Рэспублiкi Беларусь па пытанню дзейнасцi фондаў». А вось законапраекты «Аб ахоўнай дзейнасцi ў Рэспублiцы Беларусь», «Аб унясеннi дапаўненняў i змяненняў у Закон Рэспублiкi Беларусь «Аб дзяржаўных дапамогах сем’ям, што выхоўваюць дзяцей» i некалькi iншых былi адобраны без заўваг.