Мiншчына дамаўляецца з Чунцiнам

Источник материала:

У час афiцыйнай сустрэчы з кiраўнiцтвам цэнтральнай вобласцi нашай краiны спадар Сюэсi падкрэслiў, што неабходна правесцi сумесныя даследаваннi рынкаў двух рэгiёнаў. Для гэтага спецыялiсты з Мiншчыны наведаюць горад Чунцiн, пасля чаго будуць заключаны канкрэтныя дамоўленасцi i падпiсаны кантракты памiж беларускiмi i кiтайскiмi прадпрыемствамi.

У сваю чаргу, дэлегацыя з Чунцiна гэтымi днямi наведала прадпрыемствы БелАЗ i «Свiтанак» у Жодзiне. А ў Барысаве замежная госцi пазнаёмiлiся з работай устаноў адукацыi з мэтай арганiзацыi ў гэтым раёне эксперыментальнага класа па вывучэнню кiтайскай мовы. Таксама Ван Сюэсi прапанаваў правесцi ў 2007 годзе ў нашай краiне гастролi сусветна вядомай трупы Чунцiнскага дзiцячага цырка.

У ходзе перамоў намеснiк старшынi Мiнаблвыканкама Андрэй Пазняк падкрэслiў, што за апошнiя пяць гадоў прыбыткi абласнога бюджэту павялiчылiся больш чым у пяць разоў. «Гэта дазваляе паспяхова ажыццяўляць сацыяльныя праграмы», — падкрэслiў ён i дадаў: «Мы зацiкаўленыя ў развiццi супрацоўнiцтва з Чунцiнам». За дзевяць месяцаў гэтага года цэнтральная вобласць вырабiла прадукцыi i паслуг на 11 працэнтаў больш, чым летась. Пры тым, што прагноз на год абмяжоўваўся ростам у 7—8 працэнтаў. Дарэчы, нават у маштабах КНР Чунцiн з’яўляецца адным з самых буйных мегаполiсаў — колькасць насельнiцтва ў iм складае каля 30 мiльёнаў чалавек.