Беларусь — за стварэнне роўных умоў у Мытным саюзе ЕўрАзЭС

Источник материала:

На думку Сяргея Сiдорскага, з гэтай даты можа пачаць дзейнiчаць i адпаведны мiждзяржаўны орган ЕўрАзЭС, якому могуць быць перададзены паўнамоцтвы нацыянальных органаў дзяржаў Супольнiцтва па фармiраванню знешнегандлёвай палiтыкi, цэн i тарыфаў.

Беларусь лiчыць неабходным стварэнне ў Мытным саюзе ЕўрАзЭС роўных умоў для суб’ектаў гаспадарання ўсiх краiн — удзельнiц Супольнiцтва, заявiў прэм’ер-мiнiстр Беларусi.

На думку Сяргея Сiдорскага, гэтыя ўмовы павiнны ўключаць у сябе прымяненне адзiных правiлаў у галiне субсiдзiравання нацыянальных эканомiк, забеспячэнне роўнага доступу да паслуг натуральных манаполiй, а таксама недапушчэнне дыскрымiнацыйнага цэнаўтварэння па прыкмеце месца рэгiстрацыi суб’екта гаспадарання.

Прэм’ер-мiнiстр падкрэслiў, што пры невыкананнi гэтых умоў, на думку беларускага боку, трацiцца сэнс стварэння Мытнага саюза, бо ў iм не будуць забяспечаны магчымасцi для справядлiвага гандлю i эфектыўнай канкурэнцыi.

Адной з актуальных задач Еўразiйскага эканамiчнага супольнiцтва з’яўляецца стварэнне агульнага энергетычнага рынку.

Як лiчыць беларускi прэм’ер, неабходна забяспечыць роўныя ўмовы да нацыянальных энергетычных рэсурсаў i сетак. Акрамя таго, павiнны быць прадастаўлены магчымасцi свабоднага транзiту электрычнай энергii i нафтагазавых рэсурсаў па тэрыторыях дзяржаў — удзельнiц ЕўрАзЭС.

«Мы зацiкаўлены ў правядзеннi адзiнай узгодненай палiтыкi ў галiне фармiравання цэн i тарыфаў на нафту, газ у рамках ЕўрАзЭС, — падкрэслiў Сяргей Сiдорскi. — Яны павiнны грунтавацца, перш за ўсё, на эксплуатацыйных i iнвестыцыйных выдатках». Экспертныя заключэннi па незалежнай ацэнцы ААТ «Белтрансгаз» будуць прадстаўлены ва ўрады Беларусi i Расii да 20 лiстапада гэтага года, паведамiў прэм’ер-мiнiстр Беларусi, адказваючы на пытаннi журналiстаў па вынiках пасяджэння Мiждзяржсавета ЕўрАзЭС на ўзроўнi кiраўнiкоў урадаў.

Сяргей Сiдорскi адзначыў, што цяпер вядзецца актыўная работа ў рамках экспертнай групы па пастаўках расiйскага газу ў Беларусь у будучым годзе. Паводле яго слоў, у прэсе шмат спекуляцый на гэту тэму. «Усе пытаннi абмяркоўваюцца ў рамках «двойкi», — сказаў ён.

Адказваючы на пытанне аб пошуках Беларуссю шляхоў атрымання энерганосьбiтаў, абмiнаючы тэрыторыю Расii, беларускi прэм’ер адзначыў, што кожная дзяржава мае права разглядаць розныя варыянты атрымання энерганосьбiтаў.