Хроніка апошніх падзей

Источник материала:

Iзраiль можа перагледзець сваю адданасць выкананню ўмоў перамiр’я з групоўкай «Хiзбала», калi ў блiжэйшы час не спынiцца кантрабанда зброi з Сiрыi на поўдзень Лiвана.

Прэс-сакратар iзраiльскага ўрада Марк Рэгеў падкрэслiў, што спыненне паставак зброi «Хiзбале» з’яўляецца ключавым патрабаваннем рэзалюцыi 1701, якая паклала канец вайне ў Лiване. «Калi Лiван не выконвае сваю частку рэзалюцыi, то, вiдавочна, што Iзраiлю таксама давядзецца задумацца пра неабходнасць выканання ўзятых на сябе абавязацельстваў», — патлумачыў Рэгеў пазiцыю ўрада.

Заяву Рэгеў зрабiў пасля публiкацыi справаздачы назiральнiкаў ААН, у якой гаворыцца, што пастаўкi зброi «Хiзбале» не спынiлiся, а баевiкi гэтай арганiзацыi i не думаюць раззбройвацца, як тое прадугледжана рэзалюцыяй 1701.

ЗША «ПАДСТАВIЛI» РАСIЮ НА ПЕРШАЕ МЕСЦА

Намеснiк старшынi федэральнай службы па ваенна-тэхнiчнаму супрацоўнiцтву Расii Аляксандр Дзянiсаў абвергнуў нядаўна абнародаваную справаздачу Кангрэса ЗША пра тое, што Расiя заняла першае месца ў свеце за 2005 год па продажу зброi ў краiны, якiя развiваюцца.

«Я не ведаю, якой методыкай падлiкаў карысталiся ЗША, таму што ёсць i iншыя крынiцы, якiя даюць крыху iншую карцiну. Я не ведаю, навошта ЗША хочуць саступiць першае месца Расii, але паводле ўсiх аўтарытэтных крынiц, ЗША ўпэўнена лiдзiруюць, сур’ёзна апярэджваючы i Расiю, і Францыю, i iншых экспарцёраў зброi», — заявiў Дзянiсаў. Спецыялiсты мяркуюць, што падобнае скажэнне карцiны выгаднае некаторым амерыканскiм палiтыкам, якiя падтрымлiваюць антырасiйскiя настроi.

IРАН ПАЧЫНАЕ ВАЕННЫЯ МАНЕЎРЫ З ВЫКАРЫСТАННЕМ БАЛIСТЫЧНЫХ РАКЕТ

Як паведамiла iранскае камандаванне, сёння ваенiзаваныя фармiраваннi Iрана пачнуць другiя буйнейшыя ваенныя манеўры пад кодавай назвай «Вялiкi Прарок-2». У манеўрах будуць упершыню выкарыстаны балiстычныя ракеты «Шахаб-3».

Гэтыя вучэннi заклiканы «паказаць магутнасць i волю краiны абараняцца ад пагрозы», — паведамiў камандуючы корпусам Яхья Рахiм Сафавi. «Мэта манеўраў заключаецца ў абароне тэрыторыi, стратэгiчных праходаў i процiдзеяннi магчымым беспарадкам», — заявiў камандуючы.

Ракеты «Шахаб-3» маюць дальнасць палёту да 2000 кiламетраў i здольныя дасягнуць Iзраiля. Дасюль пускi гэтых ракет праводзiлiся толькi ў выпрабавальных мэтах.