Цвiнтарэй i жывакост для печанi

Источник материала:

Доктар адкажа

I.С. КАНАВАЛАЎ, г. Слуцк.

Пры хваробах печанi важная ашчадная дыета, якую прызначае ўрач. Прымаемая ежа павiнна ўтрымлiваць лёгказасваяльныя вугляводы, дастатковую колькасць паўнацэнных бялкоў i вiтамiнаў. Неабходна абмежаваць ужыванне тлушчаў.

Пры хваробах печанi народная медыцына прапануе наступнае.

Рэдзька карысная пры запаленнi i цырозе печанi, халецыстытах, яна стымулюе аддзяленне жоўцi i страўнiкавага сока, паляпшае страваванне. Аднак НЕ ВАРТА ўжываць рэдзьку ўнутр пры хваробах сэрца, гастрытах з павышанай кiслотнасцю, язвавай хваробе страўнiка i дванаццацiперснай кiшкi.

20 грамаў кораня пырнiку паўзучага, 10 грамаў лiсця крапiвы, 20 грамаў пладоў шыпшыны змяшаць. Адну сталовую лыжку сумесi залiць шклянкай кiпеню, настойваць адну гадзiну, працадзiць. Пiць па адной шклянцы 2—3 разы на дзень.

Узяць 25 грамаў травы хвашчу палявога, 25 грамаў травы святаяннiку (зверобоя) прадзiраўленага, 25 грамаў кораня цыкорыi звычайнай i 25 грамаў травы крываўнiку (тыся-челистника). Адну сталовую лыжку сумесi залiць адной шклянкай вады, парыць 20 хвiлiн, потым гатаваць 10—15 хвiлiн, працадзiць. Выпiць адну шклянку на працягу дня.

10 грамаў лiсця крапiвы двухдомнай, 20 грамаў пладоў шыпшыны сабачай, 20 грамаў кораня пырнiку паўзучага змяшаць. Адну сталовую лыжку сумесi залiць адной шклянкай вады, давесцi да кiпення, гатаваць на малым агнi 10—15 хвiлiн, настойваць 20 хвiлiн, працадзiць. Пiць па адной шклянцы 2 разы на дзень.

Сок капусты (кiслай цi салёнай) пiць штодзень на працягу 1—2 месяцаў.

Ужываць мякаць i сок пладоў гарбуза (тыквы). Сутачная норма — 0,5 кiлаграма дзёртай мякацi сырога гарбуза цi паўшклянкi сока з мякацi.

Пры хваробах печанi рэкамендавана з’ядаць 2 разы на дзень па 4 свежыя лiсточкi трыпутнiку (подорожника).

Змяшаць траву хвашчу палявога, кораня крапiвы, сасновыя пупышкi па 1 частцы, траву цвiнтарэю (золототысячника) — 4 часткi, кораня жывакосту (окопника) лекавага — 8 частак. Дзве сталовыя лыжкi сумесi варыць у двух шклянках вады 10 хвiлiн, працадзiць. Пiць па 1/4 шклянкi 4 разы на дзень.

Перад пачаткам лячэння абавязкова звярнiцеся па кансультацыю да спецыялiста.