Былых мiлiцыянераў пакаралi за падкiдванне наркотыкаў

Источник материала:

Пасля разгляду гучнай справы ў раённым судзе падсудныя звярталiся з касацыйнай скаргай у суд вышэйшай iнстанцыi, але прысуд застаўся такiм жа суровым. Адзiн з былых супрацоўнiкаў унутраных спраў атрымаў пакаранне ў выглядзе пазбаўлення волi на 8 гадоў i 6 месяцаў у калонii ўзмоцненага рэжыму, а iншыя два — 8 гадоў.

Як паведамiла прэс-група ўпраўлення КДБ па Магiлёўскай вобласцi, на працягу 1,5 года супрацоўнiкi мiлiцыi, якiя павiнны былi змагацца з незаконным абаротам наркатычных рэчываў, самi не грэбавалi займацца iх распаўсюджваннем. Яны iмкнулiся палепшыць свае паказчыкi i таму рашылiся на фальсiфiкацыю доказаў па крымiнальных справах: падкiдвалi наркатычныя рэчывы, пасля чаго ў асноўным нарказалежныя людзi са спажыўцоў наркотыкаў станавiлiся ў вачах закона iх распаўсюджвальнiкамi i вытворцамi.

У вынiку мiлiцыянераў злавiлi з доказамi злачынства. Затрыманне правялi супрацоўнiкi абласнога УКДБ i ўпраўлення ўласнай бяспекi УУС Магiлёўскага аблвыканкама. На iх працоўных месцах i ў дамах былi канфiскаваны наркотыкi i iншыя бясспрэчныя доказы вiны. Хоць абвiнавачаныя на судзе катэгарычна адмовiлiся прызнаць сваю вiну i яе доказы, яны былi асуджаны за незаконны абарот наркотыкаў, бяздзеянне пасадавых асоб i перавышэнне ўлады i службовых паўнамоцтваў.