Сямейныя «войны»

Источник материала:

Экспрэс-аналiз

Як адзначыў учора падчас рэспубліканскай канферэнцыi, прысвечанай прафiлактыцы злачынстваў у сферы бытавых адносiнаў, намеснiк мiнiстра ўнутраных спраў краiны Вiктар Фiлiстовiч, штодзень мiлiцыя рэгiструе каля 200 паведамленняў аб канфлiктах у сем’ях. Нярэдка такiя сваркi маюць трагiчны фiнал. За 9 месяцаў гэтага года ў Беларусi зарэгiстраваны 143 забойствы на «бытавой глебе» i больш за 270 цяжкiх цялесных пашкоджанняў. Практычна кожнае пятае забойства i замах на забойства, а таксама наўмыснае прычыненне цяжкiх цялесных пашкоджанняў, здзяйсняюцца менавiта падчас сямейных скандалаў. Пад кантролем супрацоўнiкаў органаў унутраных спраў зараз знаходзяцца больш за 18 тысяч сямейных дэбашыраў. Толькi сёлета супраць такiх «герояў», якiя пагражалi сваiм блiзкiм забойствам i нанеслi лёгкiя цялесныя пашкоджаннi, было ўзбуджана 2340 крымiнальных спраў. Да адмiнiстрацыйнай адказнасцi прыцягнута больш за 80 тысяч асоб, якiя здзейснiлi дробнае хулiганства ў бытавой сферы. I гэта толькi вяршыня айсберга, бо, як падкрэслiў начальнiк упраўлення прафiлактыкi МУС Мiкалай Дрозд, не ўсе ахвяры сямейных дэбашыраў звяртаюцца ў мiлiцыю, многiя не жадаюць выносiць смецце з хаты i пакорлiва церпяць здзекi i гвалт. Найчасцей ад расперазаўшыхся скандалiстаў пакутуюць жанчыны — у 75 працэнтах выпадкаў, i дзецi — каля 6 працэнтаў зарэгiстраваных фактаў.

Асноўная прычына «бытавой» злачыннасцi — п’янства. Менавiта пад уздзеяннем спiртных напояў зазвычай i ператвараюцца ў заклятых ворагаў блiзкiя людзi: бацька кiдаецца з нажом на сына, цi наадварот, муж да смерцi збiвае жонку i г.д. Сюжэтаў такiх жудасных «разборак» апошнiм часам вельмi шмат. I па ўсiм вiдаць, у блiжэйшы час iх не будзе менш. Прынамсi, «п’яная база» для «бытавой» злачыннасцi застаецца даволi ўнушальнай. Напрыклад, зараз толькi на ўлiку ў наркалагiчных дыспансэрах Беларусi знаходзяцца 176 тысяч чалавек, хворых на алкагалiзм. I гэтая праблема з года ў год абвастраецца. Пра што яскрава сведчыць статыстыка спажывання алкагольных напояў. За 9 месяцаў гэтага года прадпрыемствы гандлю i грамадскага харчавання павялiчылi продаж лiкёра-гарэлачных вырабаў на 25,6 працэнта. Ценявы абарот спiртных напояў таксама не змяншаецца. Паводле слоў генерала Фiлiстовiча, мiлiцыянеры канфiскавалi сёлета 750 тон спiртавой вадкасцi i 380 тон брагi. За 9 месяцаў гэтага года больш за тысячу нашых суграмадзян памерлi ў вынiку спажывання спiртных напояў, найчасцей сурагату. А за перыяд з 2001 па 2005 год у Беларусi смяротнымi ахвярамi «зялёнага змея» сталi больш за 14 тысяч чалавек.