На матч на аўтобусе i на ...метро

Источник материала:

Спорт-тайм

Цiкава, што з-за вялiкiх пробак на дарогах маскоўскаму «Спартаку» давялося ехаць на стадыён «Лужнiкi» на метро, прычым футбалiсты ледзь не спазнiлiся на матч. А вось сапернiкi з «Iнтэра» паспяхова дабралiся тут на аўтобусе i выйгралi сустрэчу.

Лiдар спатыкнуўся

Пасля 21-й гульнi ў Адкрытым чэмпiянаце Беларусi па хакею з шайбай верхнi радок у турнiрнай таблiцы займае мiнскi «Керамiн» (42 ачкi), хоць каманда Андрэя Гусава i ўступiла ў авертайме гродзенскаму «Нёману» — 2:3.

На другой пазiцыi — сталiчнае «Дынама» (40 ачкоў), якое так сама прайграла: мацнейшым аказаўся наваполацкi «Хiмiк-СКА» — 5:2. Трэцiм iдзе магiлёўскае «Хiмвалакно» (39), якое перамагло «Брэст» — 6:3. Вынiкi астатнiх матчаў: «Юнацтва» (Мiнск) — «Вiцебск» — 9:3, «Гомель» — «Металург» (Жлобiн) — 2:3.

Дабрачынная мэта

Б’ёрн Борг, пяцiразовы пераможца Уiмблдона, аднаго з самых прэстыжных тэнiсных турнiраў, прадаў сваю ракетку амаль за 10 тысяч долараў. Лот аказаўся самым папулярным на Інтэрнэт-аўкцыёне: паступiла ажно 61 прапанова набыць галоўную зброю вядомага спартсмена, дасягненне якога дасюль не пабiта (Борг — шасцiразовы пераможца Адкрытага чэмпiянату Францыi). Аднак грошы тэнiсiст патрацiць не на свае патрэбы, а ахвяруе iх у Фонд барацьбы з ракам.

Маланка ўдарыла па саставу

Хоць футбол — адзiн з самых небяспечных вiдаў спорту, iгракi часам выбываюць з гульнi па вельмi незвычайных прычынах.

Так, ажно шасцёра футбалiстаў турэцкага клуба «Аланьяспор» (лiдар другога дывiзiёна чэмпiянату Турцыi) былi дастаўлены ў бальнiцу пасля таго, як на трэнiроўцы ў поле трапiла маланка. Два iгракi адразу страцiлi прытомнасць. У сувязi з такiм няшчасным выпадкам з саставам кiраўнiцтва клуба звярнулася ў нацыянальную федэрацыю з прапановай перанесцi матч першынства краiны.