Пунтус развiтаецца з трактарыстамi

Источник материала:

Спорт-тайм

Нарэшце Юрый Iосiфавiч вырашыў паставiць кропку ў гэтым пытаннi: з 1 студзеня настаўнiк будзе працаваць толькi ў галоўнай дружыне краiны. Трактаразаводцы ўспрынялi такi крок з разуменнем, але шкадуюць, што чалавек, якi прывёў каманду да перамогi ў Кубку Беларусi i бронзавых узнагарод чэмпiянату, развiтваецца з клубам.

ПАД НАГЛЯДАМ РЭФЕРЫ ФIФА

Каб пазбегнуць усялякiх размоў наконт падсуджвання адной з каманд, кiраўнiцтва беларускай федэрацыi футбола вырашыла, што матч заключнага 26-га тура памiж БАТЭ i «Шахцёрам» будзе абслугоўваць расiйская брыгада арбiтраў на чале з рэферы ФIФА Аляксандрам Гвардзiсам (Калiнiнград). Нагадаем, што барысаўчан задаволiць i перамога, i нiчыя, каб у трэцi раз стаць мацнейшым беларускiм клубам.

«ШАЙБАВЫ» БУМ

Матч Адкрытага чэмпiянату Беларусi памiж «Юнацтвам» i «Хiмiкам-СКА» выдаўся самым вынiковым за ўсё першынство: было закiнута 15 шайбаў.

Цiкава, што ў пачатку другога перыяду навапалачане прайгравалi з лiкам 2:6, але прыкладна за дзве хвiлiны да завяршэння сустрэчы скарацiлi сваё адставанне да мiнiмуму 7:8. Такiм чынам, перамагла каманда Мiхаiла Захарава. У чэмпiянаце лiдзiруе мiнскi «Керамiн» (45 ачкоў). Вынiкi астатнiх матчаў: «Дынама» (Мiнск) — «Вiцебск» — 5:0, «Брэст» — «Керамiн» — 2:6, «Сокал» (Кiеў) — «Металург» (Жлобiн) — 4:4, «Нёман» (Гродна) — «Хiмвалакно» (Магiлёў) — 0:0.

ВАРАТАР СПРАВIЎСЯ З ПАРТЫЗАНАМI

У другiм туры групавога этапу розыгрышу Кубка УЕФА бухарэсцкае «Дынама», за якое выступае беларускi галкiпер Уладзiмiр Гаеў, справiлася з турэцкiм «Бешыкташам» — 2:1. Наш варатар правёў у «рамцы» ўвесь матч. Сярод ахоўнiкаў варот вызначыўся iгрок iтальянскага «Лiворна» Марка Амелiа (на фота), якi ў канцоўцы гульнi зраўняў лiк ударам галавой у сустрэчы з сербскiм «Партызанам» — 1:1.