Зорка i мама для Мiшы Лiлы

Источник материала:

Муз-news

Дарэчы, iграць вядучай давялося... Мiшаву маму. Сам хлопчык быў не супраць, бо лiчыць Вольгу светлым чалавекам i выдатнай актрысай i вядучай. Да таго ж i знаёмыя героi клiпа якраз з часоў «Славянскага базара», так што Вольгу Палякову можна лiчыць у пэўным сэнсе творчай хроснай мацi юнага спевака. Апошнi, дарэчы, настроены рашуча працягваць сваю кар’еру — на наступны год запланаваны выхад ягонага сольнага альбома.

ХАДЗЕМ НА УСХОД

Гэта можна было зрабiць у цёплай кампанii артыстаў беларускай эстрады, кампанii «Вiгма» i рэстарана «Журавiнка». Адбылося экзатычнае «Арыенталь-шоу», на якiм прэзентаваны ўсходнi музычны зборнiк «Кама-Сутра».

Але, зразумела, аднымi ўсходнiмi песнямi справа не абмежавалася. Дзеля стварэння адпаведнай атмасферы ў стылi «Тысяча i адной ночы» да спеваў былі дададзены танцы: майстар-клас па арабскаму i iндыйскаму танцах дадуць вядучыя танцоркi Беларусi. У дадатак — тэматычны бодзi-арт, шоу афрыканскiх удаваў, фотасесiя ў iнтэр’ерах Махараджы i гульнявая праграма «Подых Усходу». Карацей, былі нам i ўсходнiя казкi, i вочкi, i жывоцiкi. У прыватнасцi, абсалютна скандынаўская бландзiнка Вера Карэтнiкава ператварылася ў прыгажуню Султану...

СУСВЕТНАЯ ЭКСПАНСIЯ

Адзiн з буйнейшых у свеце сэрвiсаў па распаўсюджанню музыкi i вiдэа праз Iнтэрнэт iTunes запусцiў у продаж першы рускамоўны альбом «Чертополох». Што адметна, належыць ён беларускаму незалежнаму праекту «Атмаравi».

Але, раскручваючыся з дапамогай сусветнага павуцiння, выканаўца не забываецца таксама «адкуль ёсць пайшоў». Ён працягвае даваць невялiкiя канцэрты ў Беларусi, Расii i ва Украiне. У хуткiм часе збiраецца яшчэ i ў тур па Германii.

ТАНЦАВАЦЬ ТАК, ШТО ПРОСТА «АХ!»

Пацiху, патроху, аднак Аляксей Хлястоў завяршае працу над сваiм другiм паўнавартасным альбомам. Запiс песень праходзiў у Маскве пад кiраўнiцтвам сябра i кампазiтара Андрэя Сланчынскага. Дыск выйдзе ў другой палове лiстапада, а пакуль артыст прадстаўляе свае новыя песнi. На запiс адной з iх, «Папяровая кветка», ён з’явiўся ў акружэннi чатырох дзяўчат-танцорак.

— Песня выканана ў стылi гламурных вечарынак, i я вырашыў падмацаваць яе прафесiйным балетам. Былi адабраныя лепшыя дзяўчаты з розных танцавальных калектываў, — расказвае Аляксей. Дарэчы, артыст i сам не пасiўна выконваў песню, а танцаваў разам з балетам, жартам патлумачыўшы, што побач з такiмi прыгажунямi кожны будзе танцаваць. Самi дзяўчаты, жартуючы ў адказ, назвалi свой балет «АХ!» — па iнiцыялах Хлястова. Ну, а вынiк гэтай «ахавай» працы мы ўбачым у новых выпусках «Сярэбранага грамафона».

КАЛIФОРНIЯ I БРЭСТ: КУРС НА ЗБЛIЖЭННЕ

Брэсцкi гурт «Spasenie» намiнаваны на атрыманне музычнай прэмii Just Pain Folks Music Awards, якая штогод уручаецца ў Калiфорнii. Песня беларусаў «Сонца за кармой» прэтэндуе на перамогу ў намiнацыi «Еўрапейская музыка».

Заяўкi на ўдзел у цырымонii падавалi каля 50 тысяч (!) выканаўцаў i калектываў з усяго свету, але арганiзатары выбралi ўсяго 400 прэтэндэнтаў.

Вядучая рубрыкi Вiкторыя ЦЕЛЯШУК.